Të organizuar në një nga kullat më të vjetra të Mirditës në zonën e Kthellës, të ndjekur nga sytë kuriozë të dhjetëra turistëve, ardhur nga vende të ndryshme të botes, u ekspozuan produktet e zonës.
Elementët e detajuar të veshjeve, mënyra artizanale e gdhendjes së çiftelisë, bimët medicionale si dhe produktet gastronomike, morën vëmendjen e turistëve. vallja mirditore, e gërshetuar me zakonet e dasmës së krahinës, krijoi atmosferë në kullën qindra vjeçare.
Kryetari i Bashkisë Mirditë Ndrec Dedaj ftoi turistët të vizitojnë zonën, ndërsa Drejtori i Pallatit të Kulturës në Rrëshen Gjergj Marku renditi disa nga pikat pse duhet eksploruar kjo zonë, ndërsa shtoi se Mirdita po shndërrohet ndër destinacionet më të kërkuara turistike.
Dedaj: Deri sot, turizmi në Mirditë ka qenë turizëm spontan, pasi Mirdita ka një natyrë të mrekullueshme.
Marku: Është gjithë panairi i bërë në mënyrë fantastike. Ushqimi tradicional, kënga dhe muzika. Vallen e shqipeve do ta kërcejnë vetë turistët që nga Hong Kongu, Gjermania, etj.
Mirdita i ka përmbushur pritshmeritë e turistëve të huaj, të cilët e vlersojnë në maksimum sidomos për mikpritjen dhe natyrën.
Turiste: Më pëlqen vendi këtu në Mirditë, është i mrekullueshëm. Duke filluar nga natyra, gjithçka ka mbetur e paprekur, traditat janë ruajtur me fanatizëm nga banorët, të cilët janë shumë mikpritës.
Turiste: Është e mrekullueshme, më tërheq shumë kjo zonë, nuk kisha qenë ndonjëherë, muzika, veshja, ushqimi, janë ndër më të veçantët që kam parë, dhe kam udhëtuar shumë.
Turist: Vij nga Parisi, jam këtu për dasmën tradicionale mirditore, jam kuriozuar shumë dhe dua të shoh nga afër traditën shqiptare. Edhe natyra është e mrekullueshme, është gjë e mirë që keni ditur ta ruani.
Ndër motivet për të vizituar Mirditën, renditen edhe gastronomia e gërshetuar me folklorin, por edhe mikpritja vendase.
Promovohen kullat qindra vjeçare në Mirditë, atraksion për të huajt [Video]
Improvizimi i dasmës tradicionale mirditore ka qenë mënyra që ka zgjedhur Bashkia Mirditë për të promovuar turizmin në këtë zone.