Arkeologët vendosin të mos ruhen gjetjet afër Kaçanikut

KaçanikPostuar: 10:35 / 13.10.2017

Hamendësimet se në fshatin Kotlinë të Kaçanikut mund të zbulohet një banjë e periudhës romake kanë rënë poshtë.

Tash del të jetë furrë e pjekjes së tjegullave, maksimalisht 150 vjet e vjetër dhe se nuk ka vlera për ta rekomanduar që të mbrohet si aset i trashëgimisë kulturore, shkruan Koha Ditore.

Gjetjet arkeologjike që kishin dalë në pah gjatë zgjerimit të rrugës së fshatit në korrik të këtij viti, janë hulumtuar nga Instituti Arkeologjik i Kosovës.

Ekipi i përbërë nga arkeologët, Elvis Shala dhe Luan Gashi, ka hulumtuar tri vrimat që ishin identifikuar midis tullave të pjekura në gjerësi prej rreth 60 centimetrave.

Sipas një raporti që ka përgatitur dyshja e arkeologëve për këtë hulumtim, në hapësira ku është shfaqur struktura vërehet një arkitekturë e muruar prej tullave të pjekura. Sipas tyre, tullat e përdorura për këtë ndërtim nuk janë të tipit të periudhave të lashta romake apo mesjetare me arsyen se, përmasa e tyre përputhet me tullat, të cilat njihen si “tulla njëshe” që kanë nisur të përdoren në fund të shekullit XIX dhe gjatë shekullit XX.

Ndërtimet e rrugëve pos këtij rasti në pjesën juglindore të Kosovës, kanë nxjerrë në pah edhe gjetje të tjera në muajt e fundit. Në fund të shtatorit, punimet gjatë hapjes së trasesë së autostradës Prishtinë-Shkup kishin nxjerrë në sipërfaqe një shpellë.

Përderisa kompania “Bechtel & Enka” që është duke ndërtuar autostradën “Arbën Xhaferi” ka ndërprerë punën në atë pjesë, institucionet pritet të përcaktojnë nëse hapësira duhet të mbrohet nga shteti.

Në shpellën e zbuluar midis fshatrave Izhancë dhe Semajë, që ndodhen në kufijtë administrativë të Komunës së Shtërpcës dhe Kaçanikut vërehen stalaktite dhe horizonte jo fort të gjëra. /InfoKomuna/

Komente: 0 Strategjia për kulturë që mungon tash gati 20 vjet sërish në agjendë 11:22 / 19.10.2018 Ministria e Kulturës i është rikthyer nismës për hartimin e strategjisë për kulturë. Për këtë dokument flitet tash e 18 vjet, por asnjëherë nuk është finalizuar. Janë krijuar disa grupe punuese të cilat kanë zhvilluar disa takime, por me kaq ka përfunduar...
PrizrenKomente: 0 Rrënimi i shtëpisë së shekullit XIX në Prizren përplas institucionet 11:26 / 19.10.2018 Qendra Rajonale për Trashëgimi Kulturore në Prizren, të enjten, përmes një reagimi ka vlerësuar se gjatë rrënimit të shtëpisë së familjes Bylbyli në rrugën “Bajrakli” ka pasur shkelje ligjore. Njëkohësisht kjo qendër ka kërkuar që të...