Kosova e Shqipëria me bashkëpunim formal për të drejtat autoriale

Postuar: 11:14 / 06.12.2017

Ministrja e Kulturës e Shqipërisë, Mirela Kumbaro-Furxhi, dhe ministri i Kulturës i Kosovës, Kujtim Gashi, janë marrë vesh që në pesë vjetët e ardhshëm dy shtetet të bashkëpunojnë në fushën e të drejtave të autorit.

Në një ceremoni që ishte prezantuar me pompozitet, në mbledhjen e dy qeverive në “Shtëpinë e flamurit” në Korçë, dy ministra nëpërmjet hedhjes së firmave në një memorandum bashkëpunimi kanë përcaktuar në parim se do të organizojnë ngjarje të përbashkëta në fushën e të drejtave të autorit dhe të drejtave të përafërta, shkruan sot Koha Ditore.

Por krejt kjo është bërë pa u specifikuar qartë se si do të veprohet konkretisht. Madje, të paktën Ministria e Kulturës e Kosovës nuk ka kurrfarë planifikimi buxhetor për këtë. Krerët e ministrive janë marrë vesh për bashkëpunim. Aktivitete dypalëshe përshkruhen në pesë pika të këtij dokumenti të nënshkruar javën e kaluar.

Dy shtetet synojnë shkëmbimin e praktikave më të mira në aktivitet e tyre të zakonshme, organizimin e vizitave studimore ashtu siç bien dakord financiarisht palët, e shkëmbimin e njohurive dhe eksperiencave në aktivitetet e rritjes së ndërgjegjësimit për të drejtat e autorit.

Komente: 0 Fëmijët e Suharekës me ekspozitën e pavarësisë 10:46 / 16.02.2018 Aktivitetet në kuadër të 17 shkurtit – Ditës së shpalljës së Pavarsisë, në Komunën e Suharekës kanë filluar me ekspozitën me punime nga nxënësit e Shkollave fillore të Komunës sonë.
Komente: 0 Ndërhyrje dhe projekt përforcues në Kalanë e Gjirokastrës 15:05 / 20.02.2018 Kalaja e Gjirokastrës së shpejti do të ketë një ndërhyrje përforcuese. Ministria e Kulturës, Mirela Kumbaro, siç raporton ATSh, inspektoi situatën së bashku me arkitektin Agron Doraci, një prej ekspertëve që ka ndërhyrë në kala vite më parë.
Komente: 0 Arben Zharku emërohet drejtor i QKK-së 16:59 / 16.02.2018 Ministri i Kulturës, Rinisë dhe Sportit Kujtim Gashi ka emëruar Arben Zharkun në pozitën e drejtorit të Qendrës Kinematografike të Kosovës.