Ismail Kadaresë i ndahet çmimi ndërkombëtar "Letërsia Shqipe"
Shkrimtarit të madh shqiptar dhe laureatit Ismail Kadare i është ndarë çmimi ndërkombëtar Letërsia Shqipe.
Këtë çmim Ismail Kadare e ka pranuar nga ministri i Kulturës, Kujtim Shala.E shkrimtari Ismail Kadare pas pranimit të çmimit tha se kjo është një ceremoni që çdo shkrimtar e dëshiron, raporton Ekonomia Online. Jam vërtetë i nderuar dhe i lumtur të marr këtë çmim.
Por më besoni se ky çmim ka vlerë për mua. Jam i lumtur kur e mendoj që po e marr këtë çmim në Bibliotekë, sepse këto të fundit janë mbretëri e lexuesve. Shkrimtarët jetojnë fal bibliotekave dhe fal lexuesve, ka thënë Kadare.
Kombi shqiptarë ka sot lexues dhe duke lexuar është më i dobishëm dhe më i ndritur nga ana vendore. Aq më tepër kur leximi është fat i pandarë i gjuhës shqipe.Drejtori i Bibliotekes Kombëtare, Fazli Gajraku tha se kjo është një ceremoni emocionuese. Tash kjo bibliotekë, ky vend është i lirë ku mund të hyjnë të gjitha librat. Ka aq shkrimtarë të mëdhenj dhe libra të mëdhenj në këtë bibliotekë por shkrimtari Ismail Kadare është shkrimtari i zemrës. Kadare është autori lidhja e të cilit nuk është shkëputur kurrë, ka thënë ai.
Në emër të ministrisë së Kulturës, foli Ndue Ukaj, duke thënë se vepra e Ismail Kadares ka kapërcyer kufijtë. Padyshim Ismail Kadare është në metropole duke u bërë njëri nga shkrimtarët më të mirë botërorë. Gjithë ata që merren në letërsi e dinë që aty hyhet me vlera të çmueshme siç i ka edhe Ismail Kadare, ka thënë ai. Ai tha se nga penda e Kadaresë e kuptojmë identitetin.