Arkitektët e rinj paraqesin Skenderajn si qytet i së ardhmes
Në sallën e Kuvendit Komunal të Skenderajt sot është bërë prezantimi i ideve të projekteve urbanistike të qytetit nga studentët e Arkitekturës të Universitetit UBT, ku kanë marrë pjesë edhe kryetari i Komunës, Bekim Jashari, profesori i UBT-së, Binak Beqaj si dhe arkitektët dhe profesionistët e Skenderajt.
Fillimisht kryetari Jashari e ka falënderuar profesorin Beqaj dhe studentët për angazhimin e tyre në hartimin e projekteve, ndërkaq më pas studentët e degës së Arkitekturës, në grupe i kanë paraqitur projekte urbanistike të qytetit të Skenderajt, duke e ndarë në zona banimi, gjelbërimi dhe pjesë të tjera zhvillimore e sociale.
Pas prezantimit të ideve, komisioni vlerësues i përbërë nga arkitektë dhe profesionistë të Skenderajt, i kanë komentuar idetë dhe projektet e studentëve, duke i përgëzuar ata për punën e tyre në hartimin e planeve urbanistike.
Në shenjë mirënjohjeje, për bashkëpunimin e mirë mes Komunës së Skenderajt dhe UBT-së, që kanë edhe marrëveshje të nënshkruar bashkëpunimi, kryetari Jashari i ka ndarë mirënjohje profesorit Beqaj. /InfoKmuna/
Kryetari Rama priti në takim luftëtarin e lirisë, Jon Harrison 10:44 / 16.04.2024 Kryetari i Komunës së Prishtinës, Perparim Rama, ka njoftuar se ka mirëpritur sot në takim luftëtarin e lirisë, Jon Harrison.
Asfaltohet mbi 1 kilometër rrugë në lagjen Veli-Miftari në fshatin Jezerc 10:48 / 16.04.2024 Kryetari i Komunës së Ferizajt, Agim Aliu, ka njoftuar se është bërë asfaltimi i mbi 1 kilometër rrugë në lagjen Veli-Miftari në fshatin Jezerc.
Nis asfaltimi dhe rregullimi i trotuarit në rrugën “Behxhet Sojeva” në Ferizaj 12:49 / 17.04.2024 Ka filluar asfaltimi dhe rregullimi i trotuarit në rrugën “Behxhet Sojeva”, si një nga arteriet kryesore rrugore të qytetit të Ferizajt, ku me këtë rast, kryetari Agim Aliu ka vizituar nga afër këto punime.
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.