Kryetari Ramosaj takon Këshillat e fshatrave
Jemi në sezonin pranverorë dhe pothuajse të gjitha fshatrat kanë nevojë për ujitjen e tokave bujqësore ky është qëllimi i takimet që sot jemi bashkë këtu për të diskutuar lidhur më shqetësimin banorëve të komunës së Deçanit që gjatë sezonit veror tokat e tyre bujqësore të ujiten. Kështu tha kryetari i komunës Bashkim Ramosaj në fillim të takimit ku për këshillat e fshatrave bëri të ditur se prezent në këtë takim janë edhe zyrtarët përgjegjës të Shoqërisë Aksionare KRU "Drini i Bardhë" në Deçan.
"Bashkë më ju do të mundohemi që të zgjidhim problemin e hapjes së vijave për ujitje bashkë më KRU 'Drini i Bardhë'", tha nder të tjera kryetari, duke kërkuar mirëkuptim të banorëve që më kompaninë në fjalë të bashkëpunojnë në mënyrë që tokat e tyre bujqësore të mos mbesin pa ujit gjatë sezonit veror.
"Nëse dëshirojmë që arat në sezonin verorë të kenë edhe ujin për ujitje në duhet të jemi më bashkëpunëtor", tha Ramosaj.
Nga ky takim u dakorduan që përfaqësuesit e fshatrave bashkë më KRU "Drini i Bardhë" në Deçan të bashkëpunojnë ngushte në hapjen e këtyre kanaleve sa më parë që është e mundur mbase mjetet janë të ndara në bashkëpunim më Institucionin Komunal dhe SHA–KRU "Drini i Bardhë" në Deçan
Gjatë këtij takimi u bë e ditur se kompania e kontraktuar për hartimin projekteve është duke punuar intensivisht për përfundimin e të gjitha kërkesave për kanalet e ujitjes për betonin dhe brenda këtij viti pritet që të nisin punimet në disa kanale ku tashmë edhe projektet janë të përfunduara. /InfoKomuna/