Protestë në Dragash, kundër kryetarit të komunës
DragashPostuar: 12:16 / 20.04.2017
Në fshatin Blaç ta Dragashit për të tretën ditë me radhë po vazhdon protesta për një vend pune.
Protestuesit kërkojnë që në shkollën "Ilmi Bahtjari" të punësohet djali i ish mirëmbajtësit të shkollës, Aledin Tahiri, Labinoti.
Banorët janë të pakënaqur me vendimin e komunës që e ka futur në këtë pozicion të punësuarin, Nderim Ejupin.
Fshatarët e Blaçit thonë se Nderim Ejupi ka lidhje të afërt me kryetarin e komunës, Salim Jonuzin dhe për këtë ai e ka futur në punë.
Banorët janë të vendosur që mos të ndalin protestat deri në përmbushjen e kësaj kërkese./Indeksonline/