Ekzekutivi diskuton për punët dhe aktivitetet javore në Kaçanik
Në mbledhjen e fillimjavës të ekzekutivit komunal të Kaçanikut, udhëhequr nga nënkryetari Ylber Bajra, u diskutuan punët dhe aktivitetet javore si dhe planifikimet për javën që sapo kemi nisur.
Drejtoria e Shërbimeve Publike bëri të ditur se edhe në javën që lamë pas, janë realizuar shumë punë në kuadër të projekteve kapitale të planifikuara për realizim për vitin 2019.
Punimet kanë vazhduar sipas projektit “Ndërtimi dhe asfaltimi i rrugës “Agim Bajrami”-largim i shtresës së epërme të asfaltit, rregullim i rrjetit të ujësjellësit, vendosja e skajoreve dhe dizajnimi i peronave dhe platosë te stacioni i autobusëve, finalizimi i punimeve në projektin “Ndërtimi i infrastrukturës në fshatin Bob”- punim i shtratit të përroskës në lagjet "Zeneli" dhe "Çaka", vazhdim i punimeve në projektin “Ndërtimi rrugëve në fshatin Ivajë”-rregullimi dëmtimeve në rrugën kryesore dhe rregullimi i rrugicës “Beteja e Ivajës”.
Punimet kanë vazhduar edhe në projektet tjera: “Rregullim i rrugëve në fshatin Gajre”, vazhdim i punimeve në projektin “Ndërtim i trotuarit në fshatin Bajnicë”-faza II-të, në projektin “Ndërtimi i urës në fshatin Kovaqec”-projekt me financim nga MI-ja, ndërsa është vazhduar në implementimin e projektit “Ndërtim i kanalizimeve fekale dhe atmosferike” ku është punuar në segmentin e kanalizimit fekal në Kaçanik të Vjetër.
Në takim u prezantuan edhe punët dhe projektet tjera komunale të realizuara gjatë javës së kaluar si dhe planifikimet e drejtorive për javën që sapo kemi nisur. /InfoKomuna/
Mbahet mbledhja e rregullt e Komitetit për Politikë dhe Financa në Komunën e Rahovecit 11:41 / 18.04.2024 Udhëhequr nga Kryesuesi Arbër Zenuni, sot, është mbajtur mbledhja e katërt e Komitetit për Politikë dhe Financa (KPF) për vitin 2024, e kuvendit komunal të Rahovecit.
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Mbahet Akademi Përkujtimore në nderim të 25 vjetorit të rënies së dëshmorëve dhe martirëve të komunës së Lipjanit 14:10 / 18.04.2024 Kryetari i Komunës së Lipjanit, Imri Ahmeti, ka bërë të ditur se në nderim të 25 vjetorit të rënies së dëshmorëve dhe martirëve të komunës së Lipjanit, sot është mbajtur Akademi Përkujtimore ku gjithashtu kanë bërë homazhe në Ribar...
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti.