Elezaj inspekton rregullimin e rrugëve në disa fshatra të Klinës
Kryetari i Komunës së Klinës, Zenun Elezaj, i shoqëruar nga nënkryetari i kësaj komune, Besim Hoti dhe drejtori i Drejtorisë për Shërbime Publike, Ibër Elezaj, vizituan fshatrat Grabanicë, Bokshiq, Dollovë, Këpuz. Qëllimi i kësaj vizite ishte që t’i përcjellin nga afër punimet në rregullimin e rrugëve lokale me zhavor të këtyre fshatrave.
Elezaj ka biseduar me banorët e këtyre fshatrave , ku ka dëgjuar shqetësimet dhe preokupimet e tyre, me të cilat përballet ai komunitet në ato lokalitete të kësaj komune. Fillimisht vizituan fshatin Grabanicë, fshat i cili përpos rrugës së paasfaltuar në gjatësi prej 715 metra, mungon edhe një pjesë e kanalit të ujitjes, në gjatësi prej 200 metra.
Vizita ka vazhduar në fshatin Bokshiq, në lagjen e Muhaxhirëve dhe lagjen Gryka, me ç ‘rast është duke u punuar shtrimi i rrugës me zhavor me gjatësi prej 2.200 metra, që lidhet me fshatin Dugajevë.
Është biseduar me banoret e kësaj zone, të cilët kanë kërkuar edhe rregullimin e kanalizimit dhe asfaltimin e rrugëve.
Po të njëjtën kërkesë e kanë edhe banoret e fshatit Dollovë dhe Këpuz, të cilëve ju është premtuar asfaltimi i rrugë si dhe rregullimi i kanalizimit me gjatësi prej 4.8 km.
Pushteti aktual është i përkushtuar që të angazhohet në ngritjen e mirëqenies, përkatësisht në ngritjen e cilësisë së jetës së qytetarëve të kësaj komune. /InfoKomuna/
Nis asfaltimi dhe rregullimi i trotuarit në rrugën “Behxhet Sojeva” në Ferizaj 12:49 / 17.04.2024 Ka filluar asfaltimi dhe rregullimi i trotuarit në rrugën “Behxhet Sojeva”, si një nga arteriet kryesore rrugore të qytetit të Ferizajt, ku me këtë rast, kryetari Agim Aliu ka vizituar nga afër këto punime.
Përurohet monumenti “UÇK” tek kompleksi i varrezave të dëshmorëve në Gjilan 12:30 / 17.04.2024 Në nder të një çerekshekulli nga Beteja e Zhegocit, është zbuluar Porta e Monumentit të Heronjve UÇK tek kompleksi i varrezave të dëshmorëve në Gjilan. 
Asociacioni i Komunave dhe Swisscontact nënshkruan marrëveshje me dy komuna për zhvillimin e turizmit 10:43 / 17.04.2024 Në përputhje me objektivat e Projektit të SWISSCONTACT-it / Promovimi i punësimit në sektorin privat (PPSE) për fuqizimin e turizmit të qëndrueshëm në Komunat e Republikës së Kosovës dhe në bashkëpunim me Asociacionin e Komunave të Kosovës është...
Mbahet mbledhja e rregullt e Komitetit për Politikë dhe Financa në Komunën e Podujevës 12:41 / 17.04.2024 Komiteti për Politikë dhe Financa (KPF) i Komunës së Podujevës, sot ka mbajtur mbledhje të jashtëzakonshme, në të cilën ka diskutuar pikat e rendit të ditës dhe të njëjtat i ka rekomanduar për shqyrtim në mbledhjen e jashtëzakonshme të Kuvendit e cila do...