Ferizaj, donatorët dhurojnë 60 karroca për personat me nevoja të veçanta
Komuna e Ferizajt përmes donatorëve ka siguruar 60 karroca manuale për personat me nevoja të veçanta. Kjo falë donatorëve vëllezërit nga Wuppertal Düsseldorf Neuss, si dhe një qytetar, donator nga Belgjika të cilët kanë shprehur gatishmërinë për të ndihmuar personat me nevoja të veçanta. Donacion dedikohet për shoqatën e personave me nevoja të veçanta “Handikos” në Ferizaj, raporton InfoKomuna.
Komuna e Ferizajt ka hequr shpenzimet e transportit dhe doganimit. Ky donacion është pranuar të martën zyrtarisht nga përfaqësuesit e “Handikos” në Ferizaj.
Ndonëse donatorët nuk kanë dëshiruar që emrat e tyre të jenë publik, kryetari i Komunës së Ferizajt, Agim Aliu i falënderon për donacionin e kontigjentit të karrocave, për solidaritetin dhe ndihmën konkrete për një qasje më të lehtë të personave me nevoja të veçanta.
Qeverisja lokale është e interesuar të bashkëpunoj edhe me donatorë tjerë ndërkombëtar si dhe bashkë me përfaqësuesit e këtij komuniteti të shtyjë përpara projektet në dobi të këtij komuniteti për fuqizimin e rolit të tyre në shoqëri. /InfoKomuna/
Po vazhdon ndërtimi i infrastrukturës rrugore në fshatin Korishë të Prizrenit 11:29 / 15.04.2024 Kryetari i Komunës së Prizrenit, Shaqir Totaj, ka njoftuar se është duke vazhduar ndërtimi i rrugëve lokale, ndërtimi i mureve mbrojtëse, kanalizimeve e trotuareve për këmbësorët në fshatin Korishë.
Kryetari Rama priti në takim luftëtarin e lirisë, Jon Harrison 10:44 / 16.04.2024 Kryetari i Komunës së Prishtinës, Perparim Rama, ka njoftuar se ka mirëpritur sot në takim luftëtarin e lirisë, Jon Harrison.
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Komuna e Shtimes hap thirrjen për ndarjen e 100 bursave për studentët shtimjanë 12:39 / 17.04.2024 Është shpallur thirrja publike për mbështetje financiare për studentët e Komunës së Shtimes, ku këtë vit do të ndahen 100 bursa për studentë që studiojnë në ndonjë nga fakultetet që ofrohet nga bartësit publik dhe bartësit tjerë të arsimit...