Ferizaj në gjendje gatishmërie për koronavirusin, nis plani për dezinfektimin e shkollave
Komuna e Ferizajt ka njoftuar se ekipet mjekësore janë mobilizuar për ta parandaluar dhe përballuar virusin COVID-19 i cili është përhapur anekënd globit duke mobilizuar të gjitha vendet në masat preventive dhe të ballafaqimit të situatave në rast shfaqje të këtij virusi.
Po ashtu, kjo komunë ka njoftuar se drejtoria e Arsimit ka nis planin afatshpejtë për dezinfektimin e objekteve shkollore me qëllim shmangien e mundësisë për shfaqjen e këtij virusi.
“Edhe Komuna e Ferizaj ka mobilizuar gjithë mekanizmat e nevojshëm në përballim të rreziqeve nga koronavirusi. Kështu stafi shëndetësor ka disa ditë që ka lëvizur i organizuar në grupe në pikën kufitare të Hanit të Elezit për të kryer kontrollet shëndetësore për rastet e dyshuara”, thuhet në njoftimin e komunës.
Edhe në Qendrën Kryesore të Mjekësisë Familjare në Ferizaj janë mobilizuar për këtë qëllim.
“Raportimi i papërgjegjshëm se në Qendrën Kryesore të Mjekësisë Familjare mungojnë preparatet e domosdoshme higjienike, janë qëllimkëqija dhe dezinformuese. Përveç dezinformuese, deklaratat e pavërteta të individëve të caktuar kanë tendencën e shpërndarjes së panikut në mesin e qytetarëve. Madje, për këtë edhe Drejtoria e Arsimit ka nisur planin afatshpejt për dezinfektimin e objekteve shkollore me qëllim shmangien e mundësisë për shfaqjen e këtij virusi”, thuhet më tej në njoftim.
Qytetarët këshillohen që të zbatojnë në mënyrë strikte udhëzimet e OBSH-së dhe organizatave të kujdesit shëndetësor me qëllim tejkalimin e këtij virusi në shkallë botërore.
Mbahet Akademi Përkujtimore në nderim të 25 vjetorit të rënies së dëshmorëve dhe martirëve të komunës së Lipjanit 14:10 / 18.04.2024 Kryetari i Komunës së Lipjanit, Imri Ahmeti, ka bërë të ditur se në nderim të 25 vjetorit të rënies së dëshmorëve dhe martirëve të komunës së Lipjanit, sot është mbajtur Akademi Përkujtimore ku gjithashtu kanë bërë homazhe në Ribar...
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti.