Gjobë 100 euro ndotësve të rrugëve me baltë dhe mbetje ndërtimi në Ferizaj

FerizajPostuar: 16:41 / 11.04.2019

Pakos së qeverisjes lokale për ruajtjen e mjedisit dhe mirëmbajtjen e ambienteve të përbashkëta i shtohet edhe një masë e re, zbatimin e së cilës do ta bëj Inspektorati i Komunës.

Fjala është për parandalimin e qarkullimit të mjeteve të rënda dhe të tjera, të cilët ndotin rrugët publike, duke dal pa pastruar mjetin transportues të punës nga vend-punishtet e ndryshme.

Ky fenomen i hasur kryesisht në zonat e ndërtimit të objekteve të larta kolektive në zonën urbane, ku rrugët janë të dëmtuara, të ndotura nga mbetje ndërtimi, baltë nga vend-punishtet dhe papastërti të tjera, tashmë do të ndëshkohet nga Inspektorati i Komunës, në zbatim të Udhëzimit Administrativ nr.06/2018 për Ndëshkimin me Gjoba Mandatore.

Gjoba e paraparë sipas legjislacionit në fuqi ndaj ndotësve për këtë fenomen është 100 euro.

Nga java e ardhshme, inspektorët e mjedisit do të dalin në terren që të vëzhgojnë nga afër zbatimin e kësaj mase, ndërsa për mosrespektimin e saj do të aplikohen gjoba mandatore.

Ridvan Berisha, koordinator i Inspektoratit të Komunës njofton se kjo masë është ndërmarr pas një analize që i është bërë këtij fenomeni, kur kihet parasysh se Ferizaj është qendra me vlugun më të lartë të ndërtimit në nivel vendi, andaj një masë e tillë është e domosdoshme për të garantuar nivelin e pastërtisë në rrugët publike.

Kujdesi ndaj mjedisit është detyrim i të gjithë qytetarëve, andaj në funksion të saj, Komuna e Ferizajt inkurajon qytetarët që të denoncojnë rastet e tilla në mënyrë që Inspektorati i Komunës të veproj mbi shkelësit e kësaj mase në dobi të mjedisit. /InfoKomuna/

GllogocKomente: 0 Mbretëria e Bashkuar dhuron kompjuterë për dy shkolla të mesme në Drenas 11:11 / 16.04.2019 Dy shkollat e mesme të Komunës së Drenasit, përkatësisht Shkolla e Mesme Profesionale “Fehmi Lladrovci” dhe Gjimnazi “Gjergj Kastrioti Skënderbeu”, kanë pranuar kompjuterë për nxënës, donacion ky nga Mbretëria e Bashkuar përmes organizatës IPEDU.
PejëKomente: 0 Rreth 1 milion euro për asfalt në Pejë 11:45 / 17.04.2019 Lista përfundimtare nga Komuna e Pejës për projektet e reja të planifikuara për këtë vit për nga numri është dyfishuar krahasuar me vitin e kaluar.
PrizrenKomente: 0 Prizreni shpërndan farë misri për fermerët 14:13 / 19.04.2019 Kryetari i Komunës së Prizrenit, Mytaher Haskuka sot së bashku me drejtorin e Drejtorisë për Bujqësi dhe Zhvillim Rural, Egzon Elshani bënë shpërndarjen e farës së misrit, për përfituesit e projektit “Furnizimi me farë misri”.
SkënderajKomente: 0 Zhvillohet aksioni i pastrimit të Skenderajt 14:05 / 19.04.2019 Komuna e Skenderajt ka nisur e para në gjithë Kosovën, aksionin e pastrimit në kuadër të shënimit të Ditës së Tokës, më 22 prill.