Konfiskohen afro 350 kg nënprodukte të mishit të prishur (Foto)
Nisma e Kryetarit të Komunës së Ferizajt, Agim Aliu e zbatuar nga Inspektorati Komunal për rritjen e kontrollit të produkteve me origjinë shtazore dhe produkteve të tjera që ofrohen për konsum në treg në territorin e Komunës së Ferizajt, është shumëfishuar përmes aksioneve konkrete që kanë rezultuar me konfiskim dhe asgjësim të shumë tonelatave mish dhe nënprodukte mishi të prishura, skaduara dhe dëmtuara.
Së fundmi, aksioni i Inspektoratit Komunal ka rezultuar me konfiskimin dhe asgjësimin e afro 350 kg nënprodukte të mishit të cilat janë zënë gjatë kontrollit rutinor nga ana e Policisë në një mjet transportues që po qarkullonte në territorin e Ferizajt. Për këtë është njoftuar Inspektorati Komunal, të cilët menjëherë kanë dalë në vendngjarje, kanë konstatuar gjendjen duke proceduar me konfiskimin dhe asgjësimin e kësaj sasie produkti.
Koordinatori i Inspektoratit Komunal, Ridvan Berisha me këtë rast është shprehur se Inspektorati Komunal është vënë në një dinamikë të jashtëzakonshme pune.
"Vazhdimisht jemi në monitorim të kushteve dhe cilësisë së produkteve që ofrohen në treg. Deri më tani kemi konfiskuar dhe asgjësuar një sasi të jashtëzakonshme të mishit dhe nënprodukteve të tij nga aksionet që kemi realizuar. Mbështetja për këto aksione është drejtpërdrejtë nga Kryetari i Komunës, Agim Aliu dhe ne bashkë edhe me organet e sigurisë dhe të drejtësisë do t’i shkojmë deri në fund këtij aksioni” u shpreh Berisha.
Përkitazi me këtë rast dhe rastet e tjera, Inspektorati Komunal konform ligjeve në fuqi ka proceduar këto raste tek organet e drejtësisë, të cilat pas aksioneve komunale janë vënë në veprim për hetimin dhe procedimin penal me rastet e paraqitura.
Ky aksion është realizuar në bashkëpunim me Policinë e Kosovës, gjegjësisht Stacionin Policor në Ferizaj. /InfoKomuna/
Komuna e Shtimes hap thirrjen për ndarjen e 100 bursave për studentët shtimjanë 12:39 / 17.04.2024 Është shpallur thirrja publike për mbështetje financiare për studentët e Komunës së Shtimes, ku këtë vit do të ndahen 100 bursa për studentë që studiojnë në ndonjë nga fakultetet që ofrohet nga bartësit publik dhe bartësit tjerë të arsimit...
Mbahet mbledhja e rregullt e Komitetit për Politikë dhe Financa në Komunën e Podujevës 12:41 / 17.04.2024 Komiteti për Politikë dhe Financa (KPF) i Komunës së Podujevës, sot ka mbajtur mbledhje të jashtëzakonshme, në të cilën ka diskutuar pikat e rendit të ditës dhe të njëjtat i ka rekomanduar për shqyrtim në mbledhjen e jashtëzakonshme të Kuvendit e cila do...
Asociacioni i Komunave dhe Swisscontact nënshkruan marrëveshje me dy komuna për zhvillimin e turizmit 10:43 / 17.04.2024 Në përputhje me objektivat e Projektit të SWISSCONTACT-it / Promovimi i punësimit në sektorin privat (PPSE) për fuqizimin e turizmit të qëndrueshëm në Komunat e Republikës së Kosovës dhe në bashkëpunim me Asociacionin e Komunave të Kosovës është...
Nis asfaltimi dhe rregullimi i trotuarit në rrugën “Behxhet Sojeva” në Ferizaj 12:49 / 17.04.2024 Ka filluar asfaltimi dhe rregullimi i trotuarit në rrugën “Behxhet Sojeva”, si një nga arteriet kryesore rrugore të qytetit të Ferizajt, ku me këtë rast, kryetari Agim Aliu ka vizituar nga afër këto punime.