Fushë Kosova nis implementimin e projektit “Ndarja e Mbeturinave të Riciklueshme"
Në Rrugën “Dardania” sot filloi implementimi i projektit për ndarjen e mbeturinave të riciklueshme, i përkrahur prej Organizatës Qeveritare GIZ dhe komunës së Fushë-Kosovës.
Zyrtarë të GIZ-it thanë se qëllimi i këtij projekti është përmirësimi i kushteve dhe vendlokacioneve për hedhjen e mbeturinave të amvisërisë, të ketë qasje më praktike dhe estetike të pikave të grumbullimit të mbeturinave për banorët e kësaj lagjeje si dhe të implementohet skema e ndarjes së mbeturinave të riciklueshme (letër, plastikë, alumin).
Duke iu drejtuar të pranishmëve Kryetari i Komunës së Fushë-Kosovës, Burim Berisha tha se "kam kënaqësinë t’ju informoj se Komuna jonë do të jetë pjesë e zbatimit të projektit të ndarjes së mbetjeve të riciklueshme, ku njëherësh parashihet edhe të bëhet riorganizimi i pikave grumbulluese të mbeturinave në qytet".
"Ne jemi partner të këtij projekti të përbashkët me GIZ-in dhe do të implementohet në mënyrën më të mirë të mundshme. Për të implementuar këtë projekt me sukses dhe për të arritur qëllimet tona të përbashkëta në ngritjen e vetëdijes së komunitetit dhe funksionimin e një procesi të gjelbër për një komunë që zbaton ndarjen e mbeturinave të riciklueshme, ne kemi nevojë për përkrahjen tuaj si qytetarë të Fushë-Kosovës", theksoi Berisha.
Zyrtari i lartë nga GIZ-i tha se "gjatë implementimit të këtij projekti do të kemi nevojë të zbatoni me rregull, principet për hedhjen e mbeturinave në vendlokacionet e caktuara duke i ndarë paraprakisht sipas llojit të tyre (në të riciklueshme në kontejnerin e verdhë që përfshijnë letër-plastikë-alumin) dhe mbeturina të tjera në kontejnerin e përgjithshëm".
Në këtë mënyrë ju jo vetëm që do të kontribuoni në një qytet të pastër por edhe do të jepni kontributin tuaj humanitar për mundësinë e krijimit të vendeve të punës për grupet të cilat merren me grumbullimin e mbetjeve të riciklueshme prej të cilave edhe jetojnë.
Në fund kryetari Berisha dhe zyrtarë të GIZ-it, ORF-së dhe të kompanisë “Pastrimi” si dhe nxënës nga Shkolla Fillore e Mesme e Ulët “Mihal Grameno” në mënyrë simbolike, përuruan fillimin e projektit “Ndarja e Mbeturinave të Riciklueshme”. /InfoKomuna/
Përurohet monumenti “UÇK” tek kompleksi i varrezave të dëshmorëve në Gjilan 12:30 / 17.04.2024 Në nder të një çerekshekulli nga Beteja e Zhegocit, është zbuluar Porta e Monumentit të Heronjve UÇK tek kompleksi i varrezave të dëshmorëve në Gjilan. 
Komuna e Shtimes hap thirrjen për ndarjen e 100 bursave për studentët shtimjanë 12:39 / 17.04.2024 Është shpallur thirrja publike për mbështetje financiare për studentët e Komunës së Shtimes, ku këtë vit do të ndahen 100 bursa për studentë që studiojnë në ndonjë nga fakultetet që ofrohet nga bartësit publik dhe bartësit tjerë të arsimit...
Mbahet mbledhja e rregullt e Komitetit për Politikë dhe Financa në Komunën e Podujevës 12:41 / 17.04.2024 Komiteti për Politikë dhe Financa (KPF) i Komunës së Podujevës, sot ka mbajtur mbledhje të jashtëzakonshme, në të cilën ka diskutuar pikat e rendit të ditës dhe të njëjtat i ka rekomanduar për shqyrtim në mbledhjen e jashtëzakonshme të Kuvendit e cila do...
Nis asfaltimi dhe rregullimi i trotuarit në rrugën “Behxhet Sojeva” në Ferizaj 12:49 / 17.04.2024 Ka filluar asfaltimi dhe rregullimi i trotuarit në rrugën “Behxhet Sojeva”, si një nga arteriet kryesore rrugore të qytetit të Ferizajt, ku me këtë rast, kryetari Agim Aliu ka vizituar nga afër këto punime.