Grabitet postieri në Fushë-Kosovë nga tre persona të armatosur dhe me maska

Fushë KosovëPostuar: 17:17 / 08.02.2018

Tre persona të maskuar dhe të armatosur kanë grabitur një postier, të cilit ia kanë marrë çantën, ku pos letrave postare kishte edhe dokumente dhe rreth 500 mijë dinarë të Serbisë.

Grabitja e armatosur ka ndodhur paraditen e sotme në fshatin Kuzmin të Fushë Kosovës. Zëdhënës të Policisë së Kosovës në rajonin e Prishtinës, kanë konfirmuar për Gazetën Express se sot rreth orës 10:30 ka ndodhur një grabitje e armatosur nga tre persona në një fshat ndaj një postieri, me ç'rast iu është marrë çanta që e posedonte.

“Sot kemi marrë informatë se në fshatin Kuzmin të Fushë-Kosovës ka ndodhur një grabitje e armatosur ndaj një personi (postieri), nga i cili është marrë çanta”, thanë nga zyra e informimit e PK-së në rajonin e Prishtinës për Express.

Policia konfirmoi se në këtë grabitje kanë qenë të përfshirë tre persona dhe të njëjtit janë larguar nga vendi ngjarjes, pas grabitjes, me veturë të tipit "Golf" që ishte me ngjyrë hiri.

Policia, gjithashtu, tregoi se grabitja ka ndodhur ndaj personit me inicialet D.M, duke mos dhënë detaje të tjera.

Por, Gazeta Express nga burimet e saj ka kuptuar se D.M në çantën e cila iu mor, pos letrave postare, posedonte edhe dokumente dhe para rreth 500 mijë dinarë të Serbisë, e që i bie 4 mijë euro.

Policia tha për Express se personat e dyshuar ende nuk janë kapur dhe se po merren me rastin, të cilin po e cilësojnë si grabitje e armatosur. /InfoKomuna/

Komente: 0 Moti gjatë 5 ditëve të ardhshme 09:43 / 24.05.2018 Edhe ditëve në vijim temperaturat e ajrit do të luhaten kryesisht rreth vlerave mesatare. Minimalet do të sillen nga 10 deri në 13 gradë celsius, ndërsa maksimalet nga 22 deri në 25 gradë celsius.
MalishevëKomente: 0 Siguria në Malishevë vlerësohet e qetë dhe stabile 14:19 / 24.05.2018 Këshilli Komunal për Siguri në Bashkësi (KKSB) i Komunës së Malishevës sot ka mbajtur takimin e parë për këtë vit, ku është vlerësuar situata e sigurisë në territorin e Komunës së Malishevës, si dhe është miratuar plani vjetor i punës, i...