Gjakova më transparentja në rajonin e Rrafshit të Dukagjinit
Komuna e Gjakovës është renditur më transparentja në mesin e gjashtë komunave të Rrafshit të Dukagjinit sipas hulumtimit njëvjeçar të Institutit Demokratik të Kosovës (KDI).
Kjo organizatë, të martën, ka publikuar rezultatet e “Transparometrit komunal” për komunat e Prizrenit, Pejës, Gjakovës, Suharekës, Rahovecit dhe Deçanit, në bazë të të cilit pas Gjakovës janë renditur komunat e Rahovecit, Pejës, Prizrenit, Suharekës dhe Deçanit.
Naim Cahani nga KDI-ja ka bërë të ditur se matja e transparencës në këto gjashtë komuna është bërë bazuar në 59 indikatorë, për periudhën janar – dhjetor 2018, dhe se për synim ka shtimin e llogaridhënies nga institucionet vetëqeverisëse lokale.
“Rezultatet e hulumtimit rendisin këto komuna si në vijim: Gjakova 99 pikë apo 83.89%, Rahoveci 94 pikë apo 79.66% , Peja 78 pikë apo 66.10%, Prizreni 76 pikë apo 64.40%, Suhareka 74 pikë apo 62.71%, edhe Deçani 67 pikë apo 56.77%”, ka thënë Cahani, gjatë konferencës për shtyp të mbajtur në Prizren.
Sipas tij “Transparometri...”, përkatësisht hulumtimi, ndjek një metodologji të matjes së indikatorëve në mënyrë objektive për katër shtylla themelore të qeverisjes lokale.
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale. 
Mbahet mbledhja e rregullt e Komitetit për Politikë dhe Financa në Komunën e Rahovecit 11:41 / 18.04.2024 Udhëhequr nga Kryesuesi Arbër Zenuni, sot, është mbajtur mbledhja e katërt e Komitetit për Politikë dhe Financa (KPF) për vitin 2024, e kuvendit komunal të Rahovecit.
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti. 
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.