Komuna e Gjakovës synon ringjalljen e transportit urban

GjakovëPostuar: 16:28 / 21.07.2017

Nën udhëheqjen e nënkryetarit të komunës Armend Vokshi, bordi i drejtorëve sot ka mbajtur mbledhjen e radhës në të cilën janë shqyrtuar një sërë pikash të rendit të ditës, e të cilat kryesisht kishin të bënin me kërkesa dhe shqetësime të drejtpërdrejta të qytetarëve të komunës sonë.

Ndër pikat më të rëndësishme të shqyrtuara në këtë takim ishte përkrahje materiale – subvencionimi i një pjesë të projektit të Ndërmarrjes “Stacioni i Autobusëve” për ringjalljen e transportit urban, si njëri prej sektorëve më të rëndësishëm të kësaj ndërmarrje.

Sipas projektit të prezantuar nga menaxhmenti i ndërmarrjes, bordi ka vendosur që në varësi të situatës financiare të komunës, ta përkrahë këtë projekt me 30 deri në 40 për qind e vlerës së përgjithshme që nevojitet për funksionalizimin e transportit urban në kuadër të Stacionit të Autobusëve.

Ndryshe, projekti i prezantuar nga menaxhmenti i ndërmarrjes parasheh që në një afat të mesëm kohor “Stacioni i Autobusëve”, të zgjerojë linjat e trafikut urban, duke shtuar se paku edhe dy linja të reja, ndërsa bashkë me këtë edhe të bëj modernizimin e linjave dhe shërbimeve të transportit urban.

Për këtë, komuna e Gjakovës tashmë është në finalizimin e bisedimeve me Bankën Evropiane për Rindërtim dhe Zhvillim për investimet e tërësishme në ndërmarrjen “Stacioni i Autobusëve”, ndërsa njëri prej kritereve të kërkuara nga BERZH-i është edhe participimi i komunës në funksionalizimin e linjave egzistuese.

Në mesin e shumë pikave tjera, bordi i drejtorëve ka vendosur edhe për ndarjen e subvencionimin e për vjetshëm të shoqatave të dala nga lufta si dhe ka ndarë hapësirën për që do të përdoret si depo për mallrat e konfiskuar nga ana e drejtorisë për punë Inspektuese.
/InfoKomuna/

GjilanKomente: 0 Gjilani mban sesion informues për fermerët gjilanas 16:40 / 17.08.2018 Në Komunën e Gjilanit sot është mbajtur sesioni informues me fermerë dhe kultivues të ndryshëm në sektorin e bimëve mjekësore aromatike, pastaj përmirësimin e konsistencës në furnizim, grumbullimin dhe ngritjen e kapaciteteve në pikat grumbulluese, por edhe potencialin...
GllogocKomente: 0 Komuna e Drenasit publikon kontratat publike 17:18 / 17.08.2018 Komuna e Drenasit njofton se vazhdon të rris transparencën dhe llogaridhënien ndaj qytetarëve. Janë publikuar të gjitha kontratat e lidhura me Operatorët Ekonomik deri me tani në ueb faqen e zyrtare të Komunës.
PrishtinëKomente: 0 AShNA ndihmon Prishtinën me të dhëna meteorologjike 15:06 / 17.08.2018 Agjencia e Shërbimeve të Navigacionit Ajror (ASHNA) dhe Prishtina, kanë nënshkruar marrëveshje mirëkuptimi në lidhje me ofrimin e të dhënave meteorologjike për këtë të fundit.