Spitali i Gjakovës paguan më shtrenjtë qiranë për printerët sesa çmimi i blerjes
Spitali regjional i Gjakovës ka shpallur një njoftim për kontratë me të cilën parashihet të merren me qira 4 printerë.
Sipas njoftimit të publikuar më datën 8 të këtij muaji, spitali i Gjakovës po kërkon printer të formatit A3 dhe A4 me kapacitet 28 faqe dhe 25 faqe për minutë.
“Marrja me qira e një fotokopje me kapacitet 28 faqe për minutë A3,A4 (color). Në këtë çmim përfshihen edhe 10000 kopje – 2 copë”.
“Marrja me qira e një fotokopje me kapacitet 25 faqe për minutë A3,A4, Cmimi fix (në këtë çmim përfshihen 3000 kopje) – 2 copë”, thuhet në përshkrimin e fushëveprimit të kontratës.
Vlera e parashikuar e kësaj kontrate është 6 mijë euro, me kohëzgjatje prej 12 muajsh.
Me një kërkim në google, shitja e këtyre llojeve të printerëve/fotokopjeve në Kosovë, varion shumë më lirë sesa marrja me qira.
Një printer i këtij formati A3 dhe A4 me më shumë se 18 faqe për minutë, kushton rreth 500 euro.
Sipas përllogaritjes, me 6 mijë euro të parapara për marrjen e 4 printerëve me qira, spitali i Gjakovës do të mund të blinte 6 sosh.
Drejtori i spitalit, Ahmet Asllani, ka treguar se kjo është kontrata e dytë e këtij lloji në institucionin të cilin e drejton ai.
Asllani e arsyeton marrjen me qira të printerëve, me koston e mirëmbajtjes dhe shpenzimeve të tonerëve.
“Printerët në spitalin tonë përdoren shumë dhe na bie më lirë nëse i marrim me qira sepse nuk shpenzojmë në mirëmbajtjen e tyre. Është shumë më shtrenjtë me i ble dhe me i servisu kur ka prishje, sesa nëse i marrim me qira”, ka thënë Asllani.
Komuna e Kamenicës pjesë e Panairit Ndërkombëtar të Turizmit në Francë 14:31 / 18.04.2024 Kryetari i Komunës së Kamenicës, Kadri Rahimaj së bashku me shefin e Kabinetit Vaxhid Rexhepaj dhe shumë homologë e përfaqësues të tjerë nga Komunat e Kosovës, po qëndrojnë këto ditë në Grenoble të Francës, për vizitat dhe takimet në kuadër...
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale. 
Kryetari Latifi përkujtoi dëshmorët e kombit Visar Hotin e Safet Latifin në 25-vjetorin e rënies së tyre 14:26 / 18.04.2024 Kryetari i Komunës së Rahovecit, Smajl Latifi, ka njoftuar se bashkë me kryetarin e Aleancës për Ardhmërinë e Kosovës, Ramush Haradinaj, me bashkëveprimtarin dhe vëllain e Fahri dhe Bahri Fazliut, Fadilin, me familjarë të dëshmorëve, bashkëluftëtarë e...
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti.