Haziri shprehet i kënaqur me dinamikën e punimeve në shëtitoren e dytë të Gjilanit

GjilanPostuar: 11:41 / 12.04.2019

Kryetari i Komunës së Gjilanit, Lutfi Haziri, gjatë vizitës së punimeve në ndërtimin e shëtitores së dytë në pjesën e jugut, është shprehur i kënaqur me dinamikën e punimeve atje.

“Jam i kënaqur me dinamikën e punimeve dhe tashmë ky vend po merr pamje krejt tjetër. Ky është segmenti i cili e ka zgjidhur problemin kryesor për banorët e lagjeve Deremahallë, Lagjes së Balecit e Dardanisë, pasi nga kundërmimet e kanë pasur jetën e padurueshme. Do të vazhdojmë punën në ndërtimin e shëtitores edhe në drejtim të “Livadheve të Akllapit” dhe në drejtim të lagjes “Dardania”, ka thënë Haziri.

“Ne do të vazhdojmë logjikën e njëjtë të zbatimit të projektit për mbulimin e shtratit të lumit deri në fund, e që nënkupton edhe ndërtimin e impiantit për trajtimin e ujërave të zeza, duke i dhënë zgjidhje këtij problemi”, shtoi ai.

Haziri ka paralajmëruar se këtë vit do t’i japin zgjidhje edhe projektit të lumit Stanishorka, sikurse edhe lumit Morava.

“Banka Europiane për Rindërtim dhe Zhvillim (BERZH) është investitori më i madh, ndërkaq Komuna e Gjilanit së bashku me Qeverinë e Republikës merr pjesë me financa drejtpërdrejtë në këto projekte”, ka përfunduar kreu i Gjilanit. /InfoKomuna/

PrizrenKomente: 0 QMF 1 në Prizren bëhet me Njësi Diabetike 14:47 / 15.04.2019 Në vazhdën e riorganizimit të njësive shëndetësore për të ofruar shërbime më kualitative, tanimë Qendra e Mjekësisë Familjare 1 ka Njësinë e saj Diabetike.
MalishevëKomente: 0 Një kompani turke e interesuar për të investuar në Malishevë 16:36 / 17.04.2019 Në Malishevë sot kanë qëndruar drejtori i TEB-it në Kosovë, Orcun Ozddenir dhe biznesmeni turk, pronar i kompanisë “Sev Triko”, Ysuf Eldeleklioglu, të cilët janë pritur nga kryetari i Komunës Ragip Begaj.