Drenasi me projekt për ndarjen e mbeturinave të riciklueshme
Me rastin e shënimit të Ditës Ndërkombëtare të Tokës, Komuna e Drenasit ka zhvilluar dy aktivitete në të njëjtën ditë, atë të pastrimit të ambientit në qendër të qytetit duke vazhduar me pastrimin e disa deponive ilegale dhe lansimin e projektit “Zbatimi i skemës së ndarjes së mbeturinave të riciklueshme në burim”, në bashkëpunim me Deutsche Gesellschaft für Internationale Zusammenarbeit (GIZ) GmbH dhe organizatën jo-qeveritare Green Art Center-Prishtina (GAC).
Fillimisht për shënimi e aktiviteteve për pastrimin e ambientit, Kryetari i Komunës së Drenasit Ramiz Lladrovci dhe Drejtoresha e Shërbimeve Publike dhe Emergjencë, Lumnije Krapi dhe bashkëpunëtorë, mbjellën fidanë dhe lule në sheshin “Fehmi e Xhevë Lladrovci”, duke ftuar qytetarët të jenë të kujdesshëm ndaj ambientit ku jetojnë dhe veprojnë.
Ndërsa lansimi dhe hapja zyrtare e projektit “Zbatimit të skemës së ndarjes së mbeturinave të riciklueshme në burim” në Komunën e Drenasit, u bë nga Kryetari i Komunës së Drenasit, Ramiz Lladrovci me bashkëpunëtorë, përfaqësues nga GIZ-i, Arbnora Malaj Shabani dhe përfaqësues nga organizata jo-qeveritare GAC, Merlinda Beu Muqaj.
Me këtë rast, Kryetari Lladrovci falendëroi Qeverinë gjermane përkatësisht GIZ-in gjerman për bashkëpunimin e mirë, i uron qytetarët për Ditën Ndërkombëtare të Tokës, gjithashtu ju bënë thirrje që mos t’i hedhin mbeturinat, ta ruajnë dhe të kujdesen për ambientin, si dhe të bëjnë ndarjen e riciklimit të mbeturinave.
“Nga sot Komuna e Drenasit po hynë në skemën për ndarjen e riciklimit të mbeturinave, po e lansojmë këtë skemë në bashkëpunim me GIZ-in gjerman, prandaj u jemi shumë mirënjohës për këtë projekt dhe për projektet tjera që së bashku i kemi realizuar” thekson Kryetari Lladrovci.
Në aksion për pastrimin e qendrës së qytetit (parkut, sheshit dhe lagjeve përreth), morën pjesë zyrtarët e Komunës, KFOR-i, Policia, Kryqi Kuq, Zjarrfikësit, Shtëpia e Shëndetit, nxënësit e Klubeve të Gjelbra të shkollave në Drenas dhe OJQ-të.
Komuna e Drenasit, përkatësisht Drejtoria e Shërbimeve Publike dhe Emergjencë falënderon gjithë operatorët e komunës sonë të cilat na kanë mbështetur rreth eliminimit të disa deponive ilegale brenda territorit të komunës. /InfoKomuna/
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Komuna e Kamenicës pjesë e Panairit Ndërkombëtar të Turizmit në Francë 14:31 / 18.04.2024 Kryetari i Komunës së Kamenicës, Kadri Rahimaj së bashku me shefin e Kabinetit Vaxhid Rexhepaj dhe shumë homologë e përfaqësues të tjerë nga Komunat e Kosovës, po qëndrojnë këto ditë në Grenoble të Francës, për vizitat dhe takimet në kuadër...
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti. 
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale.