Lladrovci kërkon ndërprerjen e grevës nga mësimdhënësit

Kryetari Lladrovci se bashku me drejtor dhe përfaqësues të sindikatës, janë pajtuar qe më së shumti nga kjo situatë e krijuar janë duke pësuar nxënësit, ne të njëjtën kohë, Lladrovci i ka kërkuar Sindikatës së Arsimit në Drenas, që në koordinimin me SBAShK-un të gjejnë alternativen në mënyrë që procesi mësimor të vazhdojë sa më parë që të jetë e mundur.

“E drejta për grevë është e garantuar me Ligjet e aplikueshme në Kosovë, por sugjerimi im do të ishte që në koordinimin me SBAShK-un të ndërpritet greva dhe të filloj procesi mësimor, sepse nxënësit janë ata të cilët po pësojnë më së shumti. Ju mund të vazhdoni bisedimet me nivelin qendror për realizimin e synimeve tuaja, të cilat janë të drejta, por të gjendet një alternativë e cila nuk e pengon procesin mësimor”, ka thënë kryetari Lladrovci. /InfoKomuna/