Nuk po asfaltonte rrugën në Kishnarekë sipas paramasës, Lladrovci ia ndërpret punën
Kryetari i Komunës së Drenasit, Ramiz Lladrovci, pas shqetësimeve të pranuara nga ana e banorëve të fshatit Kishnarekë si dhe vlerësimit të Drejtorisë së Urbanizmit se punimet nuk janë duke shkuar sipas paramasës, ka dhënë urdhër të ndërpriten punimet për asfaltimin e rrugës në këtë fshat, deri sa të përgatitet baza sipas paramasës për asfaltim.
Kompania e kontraktuar nga ana e Komunës nuk kishte kryer punimet sipas planifikimit të kontratës së nënshkruar dhe nuk i kishte evituar dëmet e shkaktuara nga shtrirja e kabllove nëntokësore, që njëkohësisht ka ndikuar drejtpërdrejt ne këto pengesa.
Kryetari Drenasit, Lladrovci, ka thënë se do t’i behët vërejtje kompanisë për mosrespektimin e kontratës dhe afateve dhe u ka bërë apel të gjitha kompanive që kanë nënshkruar kontratë me Komunën e Drenasit që t’i përmbahen asaj dhe t’i kryejnë punimet sipas paramasës, në të kundërtën do të merren masa ndaj tyre.
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Kryetari Latifi nënshkruan memorandum bashkëpunimi me “Fondacionin për Zhvillim të Qëndrueshëm Ekonomik - PREDA Plus Kosovë dhe WEntrepreneur” 12:01 / 16.04.2024 Kryetari i Komunës së Rahovecit, Smajl Latifi, ka njoftuar se sot, ka nënshkruar memorandum bashkëpunimi me “Fondacionin për Zhvillim të Qëndrueshëm Ekonomik - PREDA Plus Kosovë dhe WEntrepreneur”.
Nis asfaltimi dhe rregullimi i trotuarit në rrugën “Behxhet Sojeva” në Ferizaj 12:49 / 17.04.2024 Ka filluar asfaltimi dhe rregullimi i trotuarit në rrugën “Behxhet Sojeva”, si një nga arteriet kryesore rrugore të qytetit të Ferizajt, ku me këtë rast, kryetari Agim Aliu ka vizituar nga afër këto punime.
Po vazhdon ndërtimi i infrastrukturës rrugore në fshatin Korishë të Prizrenit 11:29 / 15.04.2024 Kryetari i Komunës së Prizrenit, Shaqir Totaj, ka njoftuar se është duke vazhduar ndërtimi i rrugëve lokale, ndërtimi i mureve mbrojtëse, kanalizimeve e trotuareve për këmbësorët në fshatin Korishë.