Programin Nacional për rininë do të realizohet edhe në Drenas
Koordinatori Nacional për Kulturë, Rini dhe Sport në Qeverinë e Kosovës Rexhep Hoti, i shoqëruar nga zëvendësministri i Arsimit, Shkencës dhe Teknologjisë Azem Guri, u prit sot në një vizitë zyrtare nga kryetari i Drenasit Ramiz Lladrovci, dhe drejtori Komunal i Arsimit, Tafil Halilaj.
Në këtë vizitë, Koordinatori Hoti nënshkroi marrëveshje bashkëpunimi me kryetarin Lladrovci për implementimin e Programit Nacional për Rininë në Komunën e Drenasit.
Koordinatori Nacional për Kulturë, Rini dhe Sport, Rexhep Hoti tha se është kënaqësi teksa sheh se si kryetarët e komunave po përkrahin një program që e ka target rininë edhe punojnë për të ardhmen e tyre.
“Në kuadër të programit Nacional për Rininë do të organizohen gara në tri fusha kryesore: dituri, kreativitet kulturor dhe mendim kritik si dhe në sport. Roli i komunës në realizimin e këtij programi është i rëndësishëm prandaj e falënderoj kryetarin Lladrovci për mbështetje”, tha koordinatori Hoti.
Ndërsa, kryetari i Komunës së Drenasit Ramiz Lladrovci tha se komuna që ai udhëheq do ta përkrah me të gjitha kapacitetet e nevojshme realizimin e Programit Nacional për Rininë.
“Do ta përkrahim programin me çka do që të ketë nevojë dhe me të gjitha kapacitetet e mundshme. Uroj që të implementohet dhe të na e ndihmojë rininë tonë”, tha ndër të tjera Lladrovci.
Kurse zv.ministri Guri i cili tha se ky program ka një shtrirje të gjerë ku përfshihen prindërit, shkollat, mësimdhënësit e drejtorit komunale. Ai pret që përmes këtij programit të përmirësohen rezultatet e vlerësimeve të jashtme.
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale. 
Kryetari Ahmeti vizitoi punimet në renovimin efiçient të shkollës fillore “Vëllezërit Domaneku” në Topliqan 12:05 / 16.04.2024 Kryetari i Komunës së Lipjanit, Imri Ahmeti, ka njoftuar se gjatë ditës së sotme, ka vizituar punimet për renovimin e tërësishëm efiçient të shkollës fillore “Vëllezërit Domaneku”, në Topliqan.
Komuna e Kamenicës pjesë e Panairit Ndërkombëtar të Turizmit në Francë 14:31 / 18.04.2024 Kryetari i Komunës së Kamenicës, Kadri Rahimaj së bashku me shefin e Kabinetit Vaxhid Rexhepaj dhe shumë homologë e përfaqësues të tjerë nga Komunat e Kosovës, po qëndrojnë këto ditë në Grenoble të Francës, për vizitat dhe takimet në kuadër...
Nis asfaltimi dhe rregullimi i trotuarit në rrugën “Behxhet Sojeva” në Ferizaj 12:49 / 17.04.2024 Ka filluar asfaltimi dhe rregullimi i trotuarit në rrugën “Behxhet Sojeva”, si një nga arteriet kryesore rrugore të qytetit të Ferizajt, ku me këtë rast, kryetari Agim Aliu ka vizituar nga afër këto punime.