ATK-ja gjobit me 32 mijë euro pronarët e kazinove të paligjshme

GraçanicëPostuar: 10:25 / 04.05.2018

Administrata Tatimore e Kosovës (ATK) ka ndërmarrë një aksion në Graçanicë kundër lojërave të fatit pa licencë, me ç`rast ka shqiptuar edhe gjoba ndaj pronarëve të tyre.

Janë 32 mijë euro që kjo Administratë u ka shqiptuar dy pronarëve në raste të ndara. Sipas një komunikate për media të ATK-së, janë konfiskuar edhe pajisjet e gjetura, si dhe ka mbyllur lokalin, shkruan sot Koha Ditore.

“Departamenti i Lojërave të Fatit mbrëmë ka ndërmarrë një aksion në Komunën e Graçanicës- konkretisht në fshatin Gushtericë e Ulët, në bazë të informacioneve të pranuara paraprakisht se në këtë vend dyshohet se organizoheshin lojëra të fatit pa licencë, si dhe aktivitete të tjera të ndaluara me ligj”, thuhet në komunikatën për media të ATK-së.

PodujevëKomente: 0 Memoriali "Shqiponja" ngritet në Podujevë 14:22 / 19.06.2019 Në 20-vjetorin e çlirimit të Podujevës, është përuruar memoriali “Shqiponja” te rrethi rrotullimi i rrugës Prishtinë – Merdare”, në Podujevë.