Branimir Stojanoviq kandidon i pavarur për kryetar të Graçanicës

GraçanicëPostuar: 18:53 / 16.08.2021

Ish –zëvendëskryeministri i Kosovës dhe anëtari i Listës Serbe, Branimir Stojanoviq, ka paraqitur kandidaturën për kryetar të Graçanicës si kandidat i pavarur në zgjedhjet e 17 tetorit.

Pas paraqitjes së kandidaturës së tij në Komisionin Qendror Zgjedhor, Stojanoviq tha se “një numër i madh i njerëzve në Graçanicë janë të pakënaqur me kandidaten e Listës Serbe, Ljiljana Subariq, por edhe më tepër me mënyrën se si është bërë propozimi dhe si ishte të imponuar ajo të jetë kandidate i Listës Serbe ”.

Siç raportojnë mediat serbe Stojanoviq ka thënë se kandidatura e tij “nuk e rrezikon politikën e shtetit të Serbisë në asnjë moment, as nuk do të rrezikohet”.

Ndërsa drejtori i të ashtuquajturës Zyrë e Kosovës në Qeverinë e Serbisë, Petar Petkoviq, tha se kandidatura e Stojanoviqit është kundër Listës Serbe.

“Kandidimi i oportunistit politik Branimir Stojanoviq, i cili do të konkurrojë kundër Listës Serbe në zgjedhjet lokale në Graçanicë, është një mbështetje e drejtpërdrejtë për armiqtë e Serbisë, atyre që punojnë kundër serbëve dhe unitetit serb në Kosovë”, tha Petkoviq. /Telegrafi/

ShtimeKomente: 0 Kuvendi i Komunës së Shtimes mban mbledhjen e radhës 17:04 / 28.03.2024 Kryesuesi i Kuvendit të Komunës së Shtimes, Adnan Ademi, ka mbajtur sot mbledhjen e tretë të rregullt të Kuvendit, ku në këtë mbledhje ka marrë pjesë edhe kryetari i Komunës, Qemajl Aliu, si dhe drejtorë të drejtorive komunale.