Gani Dreshaj prezanton planin për punësimin e grave në Istog
IstogPostuar: 12:53 / 16.10.2017
Kandidati për kryetar të Istogut nga Aleanca për Ardhmërinë e Kosovës, Gani Dreshaj ka prezantuar planin e tij për punësimin e grave në Istog.
Dreshaj ka garantuar hapjen e fabrikave për punësimin e 2000 grave në katër vitet e para të punës së tij.“Më të vlefshme janë 250 euro pagë të një gruaje se sa 500 të një burri. Në Istog po vuajmë që shumë vite nga numri ekstrem i madh i nënave e motrave tona që janë të papunë. Prioritet kryesor për mua është sigurimi i vendeve të punës nga një grua për çdo familje. Për këtë shpejt do të nisi fabrikën e tekstilit tek e cila do të punësohen shumë gra nga Istogu. Më pas kemi një plan për hapjen e kurseve të rrobaqepësisë për të aktivizuar në punë shumë gra nga Istogu”, ka thënë Dreshaj.