Ambasadori çek ia dorëzon mirënjohjen e fituar nxënëses, Dituri Kodra
Ambasadori çek në Kosovë, Ivo Silhavy sot vizitoi ShFMU “Emin Duraku” në Kaçanik ku është pritur nga drejtori i shkollës, Avdyl Reka dhe zëvendësdrejtori Hilmi Hoxha e mësimdhënës të shkollës.
Ai me këtë rast i ka dhuruar nxënëses së klasës së nëntë (IX) Dituri Kodra, mirënjohjen të cilën ajo e ka fituar në një konkurs të mbajtur në Çekisë për vizatime.
Konkursi ndërkombëtar ishte mbajtur vitin e kaluar dhe të drejt konkurrimi kanë pas fëmijët e shkollave fillore dhe të mesme të ulëta edhe nga Kosova.
Ambasadori çek para nxënësve të klasës së Dituri Kodra është shprehur se është i nderuar që gjendet në mesin e nxënësve të ShFMU “Emin Duraku” për një arsye shumë të veçantë, pra për t'i dhuruar nxënëses së shkollës mirënjohjen e fituar në Lidice të Çekisë.
Ai theksoi se nga 11 shkolla me 169 nxënës që kishin konkurruar nga Kosova, me mirënjohje është nderuar vetëm Dituri Kodra, ndërsa sqaroi se konkursi mbahet në shenjë përkujtimi për fëmijët e vrarë gjatë luftës së Dytë Botërore në Lidice të Çekisë.
Në këtë ceremoni i pranishëm ishte edhe nënkryetari i Komunës, Ylber Bajra. Ai me këtë rast ka thënë se suksesi i Diturisë "na gëzon të gjithëve dhe është një shembull që duhet ndjekur të gjithë".
"Ky sukses është edhe një motiv shtesë për ngritjen e cilësisë në shkollat tona, ndërkohë që ka falënderuar ambasadorin dhe popullin çek për angazhimin dhe ndihmën e ofruar popullit tonë", tha ai. /InfoKomuna/
Mbahet mbledhja e rregullt e Komitetit për Politikë dhe Financa në Komunën e Rahovecit 11:41 / 18.04.2024 Udhëhequr nga Kryesuesi Arbër Zenuni, sot, është mbajtur mbledhja e katërt e Komitetit për Politikë dhe Financa (KPF) për vitin 2024, e kuvendit komunal të Rahovecit.
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale.