Asfaltohen rrugët në lagjen "Fazliu" dhe "Rexhepi" në fshatin Bajnicë
Investimet komunale në infrastrukturën rrugore në Komunën e Kaçanikut pothuajse po hyjnë në fazën finale, për të vazhduar më pas me investime në kuadër të zhvillimit ekonomik.
Kryetari i Komunës së Kaçanikut Besim Ilazi me bashkëpunëtorë, vizitoi nga afër ecurinë e procesit të asfaltimit të rrugës në lagjet Fazliu dhe Rexhepi, investim nga buxheti komunal, transmeton InfoKomuna.
Kryetari Ilazi vlerësoi lartë implementimin e këtij projekti, duke vlerësuar se asfaltimi i këtyre dy rrugëve mundëson lidhjen e lagjeve me rrugën kryesore të fshatit pa vështirësi qarkullimi.
Edhe banorët u ndanë të kënaqur me këtë projekt, ndërsa shtuan se përmes asfaltimit do ta kenë më të lehtë qarkullimin mes dy lagjeve dhe lidhjen me rrugën kryesore të fshatit.
Valmir Krasniqi menaxher i projektit, tha se projekti është në tërësi investim nga buxheti komunal ku për projektin në fjalë janë ndarë 19 mijë e 805 euro, për fazën e dytë, ndërsa faza e parë është realizuar vitin e kaluar poashtu nga investimet komunale. Gjatësia e rrugës është 790 metra./InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.