Dëme të mëdha nga reshjet e shiut, komuna merret me sanimin e tyre (Foto)

KaçanikPostuar: 11:14 / 05.02.2018

Dëmet në Komunën e Kaçanikut janë të mëdha pas reshjeve të shiut. Kryetari i Komunës së Kaçanikut Besim Ilazi, që nga dita e shtunë, në vazhdimësi është në terren për të parë nga afër dëmet dhe për të shikuar mundësitë e intervenimeve në bazë të kapaciteteve komunale.

Komuna e Kaçanikut përmes ekipeve në terren vazhdimisht është duke punuar në pastrimin e hapësirave të cilat janë prekur nga këto vërshime, transmeton InfoKomuna.

Drejtori për Shërbime Publike dhe Emergjenca Ramadush Osmani, tha se Bulveardi “Ismajl Raka” është pastruar, por megjithatë ende vazhdon të jetë i mbyllur për shkak të disa bllokadave të krijuara në kanalet nëntokësore.

Gjendje e vështirësuar paraqitet edhe në lagjen “Kukaj”, ku dëmet konsiderohen të mëdha, ndërsa ekipi nga Kompania e Kontraktuar nga Komuna e Kaçanikut, ekipi nga Kompania “Bifurkacioni” si dhe ekipi nga kompania “Bechtel Enkea” janë duke punuar në vazhdimësi. Dëme janë shkaktuar edhe në disa fshatra të Komunës së Kaçanikut.

Komuna po ashtu ka krijuar një komision për të vlerësuar dëmet e shkaktuara dhe për të nxjerrur edhe një raport mbi këto dëme. /InfoKomuna/

MitrovicëKomente: 0 Mitrovica subvencionon 99 fermerë 14:49 / 18.10.2018 Komuna e Mitrovicës ka mbështetur 99 fermerë. 77 prej tyre janë pajisur me nga 200 kilogramë farë gruri dhe 100 kilogramë pleh artificial, 20 fermerë me nga 300 kilogramë farë gruri dhe nga 100 kilogramë pleh artificial dhe 2 fermerë me nga 300 kilogramë farë gruri dhe 150...
PejëKomente: 0 Peja prej 4 muajsh pa inxhinier komunikacioni 11:21 / 18.10.2018 Drejtoria e Shërbimeve Publike e Pejës prej gjysmë viti ka mbetur pa inxhinier komunikacioni. Mungesa e tij vërehet edhe nëpër rrugët e qytetit, në të cilat në disa vende ka mospërputhje mes sinjalizimeve vertikale dhe horizontale të shënuara nga operatori.