Ekzekutivi i komunës diskuton për projektet kapitale

KaçanikPostuar: 12:37 / 17.07.2017

Kanë filluar punimet në asfaltimin e rrugës në fshatin Gabrricë- Rruga “Razim Hasaj”, projekt i financuar nga Ministria e Infrastrukturës, në kuadër të financimit të disa rrugëve lokale në Kaçanik.

Kjo u bë e ditur sot në mbledhjen e mëngjesit gjatë takimit që pati Kryetari i Komunës së Kaçanikut Besim Ilazi dhe Nënkryetari Remzi Elezi, me stafin ekzekutiv.

Punimet në projektet kapitale janë duke vazhduar sipas dinamikës së paraparë, ku gjatë inspektimeve javore është konstatuar se punimet po vazhdojnë sipas planifikimeve, në asfaltimin e rrugës “Tefik Raka”, në Lagjjen Kovaç Topojan dhe në projektet e tjera rrugore, ndërsa është bërë shtrimi i barit artificial në stadiumin e qytetit për të vazhduar më tutje me rregullimin e zhveshtoreve.

Investimet janë duke u realizuar edhe në projektin e ujësjellësit, përkatësisht punimet janë duke vazhduar në rregullimin e ujësjellësit në Dubravë, Doganaj, Elezaj, Nikaj, Rekë, Sllatinë dhe Kaçanik të Vjetër.

Në këtë takim u tha se të gjitha procedurat administrative komunale edhe javën që lamë pas janë zhvilluar pa pengesa dhe pa probleme, ndërsa janë duke u përmbushur të gjitha procedurat administrative, për fillimin e shumë projekteve të tjera kapitale komunale të parapara për realizim gjatë vitit 2017.
/InfoKomuna/

FerizajKomente: 0 Svarqa: Aliu ankohet në vend që të flasë për projekte 09:47 / 24.04.2018 Subjektet opozitare dhe shoqëria civile të Ferizajt kanë akuzuar kryetarin e Komunës, Agim Aliu, me arsyetimin se për 100 ditë të qeverisjes së tij nuk ka arritur ta realizojë ndonjë projekt konkret në të mirë të qytetarëve.
MitrovicëKomente: 0 Digjet një veturë në Mitrovicë 10:53 / 24.04.2018 Ankuesi mashkull K/Serb ka njoftuar në polici se për shkaqe të panjohura zjarri e kishte kapluar veturën e tij.