Komuna e Kaçanikut vazhdon investimet në arsim
Nxënësit e fshatrave Ivajë dhe Kovaqec së shpejti do të mësojnë në objekte të reja shkollore, njofton Komuna e Kaçanikut.
Sipas zyrtarëve komunalë, falë investimit komunal, është duke u ndërtuar objekti i ri shkollor në fshatin Ivajë, ku punimet tashmë kanë hyrë ne fazën e fundit, ndërsa në fshatin Kovaqec pas kryerjes së punimeve në objektin shkollor, janë duke vazhduar punimet në rregullimin e oborrit me infrastrukturën përcjellëse.
"Punime në objektin shkollor, janë duke u realizuar edhe në Shkollën e fshatit Bajnicë, nga Ministria e Zhvillimit Ekonomik, ku investimet janë orientuar kryesisht në izolimin e objektit në kuadër të efiçiencës së energjisë elektrike".
Vendpunishtet nga afër i vizitoi kryetari i Komunës Besim Ilazi së bashku me drejtorin për Arsim dhe Kulturë, Zahir Doda, të cilët uruan nxënësit dhe banorët e këtyre lokaliteteve për objektet e reja shkollore, ndërsa u shpreh përkushtimi i institucioneve komunale për rregullimin e infrastrukturës shkollore si parakusht për ngritje të cilësisë./InfoKomuna/
Viteve të fundit në Komunën e Kaçanikut janë duke u investuar miliona euro në ndërtimin e objekteve të reja shkollore, si nga Ministria e Arsimit poashtu edhe nga Komuna e Kaçanikut.
Mbahet mbledhja e rregullt e Komitetit për Politikë dhe Financa në Komunën e Rahovecit 11:41 / 18.04.2024 Udhëhequr nga Kryesuesi Arbër Zenuni, sot, është mbajtur mbledhja e katërt e Komitetit për Politikë dhe Financa (KPF) për vitin 2024, e kuvendit komunal të Rahovecit.
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale. 
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti.