Nis asfaltimi i gjashtë rrugicave dhe rrugës deri te magjistralja në fshatin Nikaj
Gjashtë rrugica në fshatin Nikaj dhe rruga e fshatit deri tek magjistralja, tashmë kanë filluar të asfaltohen.
Për të përcjellur nga afër punimet, vendpunishten e vizitoi Kryetari i Komunës së Kaçanikut Besim Ilazi dhe Drejtori për Shërbime Publike Ramadush Osmani.
Kryetari vlerësoi asfaltimin e këtyre rrugicave, që do të lehtësojnë jetesën dhe qarkullimin e banorëve të fshatit Nikaj, raporton InfoKomuna.
Asfaltimi i rrugicave në fshatin Nikaj është duke u realizuar në kuadër të projekteve komunale që do të kushton 18 mijë 193 euro, mjete të ndara nga buxheti komunal.
Ndërsa projekti i asfaltimit të rrugës nga magjistralja, është implementuar në kuadër të memorandumit të përbashkët të Komunës së Kaçanikut me Ministrinë e Infrastrukturës ku do të realizohen gjashtë projekte rrugore. /InfoKomuna/