Nisin punimet në objektin e ri shkollor në fshatin Kovaqec
Në fshatin Kovaqec të Kaçanikut kanë filluar punimet në ndërtimin e objektit të ri shkollor, të Shkollës Fillore “Idriz Seferi”.
Për të përcjellur nga afër ecurinë e fillimit të punimeve, vendpunishten e vizitoi Kryetari i Komunës së Kaçanikut, Besim Ilazi, raporton InfoKomuna.
Kryetari tha se ky është një projekt i financuar nga buxheti komunal, duke shtuar se ky objekt do të ndërtohet sipas standardeve më moderne të arsimit.
Kryetari Ilazi tha se edhe më tutje vazhdon të mbetet prioritet i komunës rregullimi i infrastrukturës shkollore, si një parakusht për ngritjen e cilësisë në arsim. Edhe banorët e kësaj ane, u ndanë të kënaqur me fillimin e implementimit të këtij projekti, ku do të krijohen kushtet më të mira të mundshme për nxënësit që vijojnë mësimin në këtë shkollë. /InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.