Të rinjtë e Kaçanikut pjesë e Konferencës në Irlandë
Me përkrahje të kryetarit të Komunës së Kaçanikut, Besim Ilazi, të rinjtë nga kjo komunë do të jenë pjesë e Konferencës “Aleanca Globale për të margjinalizuar dhe barabarësi” që mbahet në Irlandë.
Komuna e Kaçanikut po përfaqësohen nga Ariana Çaka e cila njëherit është koordinatore për Ballkan në kuadër të kësaj Konference, si dhe nga vullnetaret e Këshillit të Veprimit Rinor Lokal në Kaçanik, Zana Lika dhe Arta Rakoci, përcjell InfoKomuna.
Ky takim do të jetë i një rëndësie të veçantë sepse do të shkëmbehen përvoja dhe ide të ndryshme, ndërsa përfaqësueset nga Komuna e Kaçanikut do të kenë mundësinë që të jenë pjesë e aktiviteteve të edukimit joformal ndërkombëtar.
Konferenca do të fillojë punimet nga sot deri më 18 tetor 2017 në Irlandë. /InfoKomuna/