Vazhdojnë investimet në rregullimin e infrastrukturës rrugore në Kaçanik
Është duke vazhduar pjesa e dytë e rregullimit të trotuarit në fshatin Begracë, pas përfundimit të pjesës së parë vitin e kaluar.
Kryetari i Komunës së Kaçanikut Besim Ilazi dhe Drejtori për Shërbime Publike Ramadush Osmani, vizituan nga afër venpunishten ku punimet janë në përfundim e sipër, raporton InfoKomuna.
Kryetari Ilazi tha se përmes implementimit të këtij projekti do të krijohen kushte më të mira në infrastrukturë, dhe do të ndihmohet në sigurinë e nxënësve të cilët gravitojnë këtë pjesë për të shkuar deri tek shkolla.
Menaxheri i projektit Rifat Muqa, tha se projekti “Ndërtimi i trotuarit në fshatin Begracë” është investim i tërësishëm nga buxheti komunal.
Projekti do të kushtoj 11 mijë 840 euro, ndërsa gjatësia e trotuarit do të jetë 200 metra kurse gjerësia 1.4 metra. Vitin e kaluar është shtruar pjesa e parë e trotuarit, projekt i financuar nga DEMOS dhe Komuna e Kaçanikut. /InfoKomuna/