Vazhdojnë punimet në projektet infrastrukturore në Kaçanik
KaçanikPostuar: 12:40 / 24.08.2018
Kryetari i Kaçanikut, Besim Ilazi me bashkëpunëtorë, vizitoi vendpunishtet në rregullimin e rrugës në Lagjen Luzha në Begracë si dhe në rregullimin e kanalizimit në disa lagje në Kaçanik të Vjetër.
Kryetari Ilazi u shpreh i kënaqur me punimet që janë duke u realizuar, ndërsa shtoi se në këtë kohë janë duke u realizuar shumë projekte kapitale në rregullimin e infrastrukturës në Komunën e Kaçanikut.
Punimet në rrugën Luzha janë bashkërenduar nga Komuna e Kaçanikut me Ministrinë e Infrastrukturës, ndërsa punimet në rregullimin e kanalizimit në disa lagje në Kaçanik të Vjetër janë duke u realizuar në kuadër të projektit komunal një vjeçarë për ndërtimin e kanalizimit nga Komuna e Kaçanikut. /InfoKomuna/