Kamenicë: Kastrati së bashku me zyrtarë komunal vizitojnë fshatin Koretin, pas vërshimeve

KamenicëPostuar: 11:45 / 15.01.2021

Kamenicë – Pas vërshimeve të shkaktuara ditë më parë si pasojë e reshjeve atmosferike, Kryetari i Komunës së Kamenicës, Qëndron Kastrati së bashku me zyrtarët komunal, Hysen Jerliu, Shaban Canaj dhe Skender Basha, kanë vizituar fshatin Koretin.

I pari i komunës, Qëndron Kastrati, gjatë vizitës ka falënderuar qytetarët për bashkëpunimin me institucione.

“Me Hysenin, Shabanin dhe Skenderin, vizitat në terren i vazhduam në fshatin Koretin, ku vërshimet kanë shkaktuar dëme në infrastrukturë. Ekipet komunale dhe gjithë akterët e tjerë, janë mobilizuar dhe shpërndarë aty ku ka nevojë. Falënderoj qytetarët për bashkëpunimin me institucionet, dhe Blerimin që po na sjell pamje rreth gjendjes në Kamenicë! ”, ka thënë Kastrati.

Gjithashtu edhe zyrtarët komunal nga Drejtoria për Mbrojtje dhe Shpëtim, Shaban Canaj dhe Skender Basha, kanë shprehur falënderim të madh ndaj qytetarëve për bashkëpunimin dhe mirëkuptimin e tyre.

Ekipet komunale janë të mobilizuara gjatë gjithë kohës për të intervenuar aty ku ka nevojë.

Me qëllim të koordinimit të veprimeve të përbashkëta, konform situatës së krijuar kryetari Kastrati ka ngritur edhe Shtabin Emergjent për Mbrojtje dhe Shpëtim, si dhe ka shpallur edhe Gjendje Emergjente në Komunën e Kamenicës.

Ndërsa kujtojmë të gjithë qytetarët e Komunës së Kamenicës, të cilët kanë problem me vërshime të kontakojnë në këta numra: 080011010 deri në orën 16:00, ndërsa edhe pas orës 16:00 të kontaktojnë në numrin 045549182, në çdo kohë që ata kanë nevojë./rajonipress/

KlinëKomente: 0 Kryetari Elezaj zhvilloi takim me përfaqësues të USAID-it 12:44 / 13.03.2024 Kryetari i Komunës së Klinës, Zenun Elezaj, ka njoftuar se bashkë me drejtorin e Shërbimeve Publike dhe Emergjente, Qendrim Millaku, kanë pritur në takim Ben Toric dhe përfaqësues tjerë të projektit të USAID Kosovo “Adaptimi me ndryshimet klimatike” iniciativë e re nga...
MitrovicëKomente: 0 Mbahet mbledhja e 29-të e Kuvendit Komunal të Mitrovicës 17:05 / 12.03.2024 Nën drejtimin e kryesueses, Vesa Broja, dhe në prani të kryetarit të komunës, Bedri Hamza, nënkryetarit, Arian Tahiri, asamblistëve dhe drejtorëve komunal, sot është mbajtur seanca e 29-të e rregullt e Kuvendit të Komunës së Mitrovicës.