Asfaltohet oborri i QKMF-së në Kamenicë
Është asfaltuar oborri i Qendrës Kryesore të Mjekësisë Familjare (QKMF) në Dardanë dhe rruga që shkon tek konvikti i nxënësve në këtë komunë.
Kryetari i Komunës së Dardanës, Begzad Sinani, ka vizituar përmbylljen e këtyre dy projekteve infrastrukturore.
Ai ka theksuar se përfundimi i këtyre dy projekteve ka qenë në prioritetet e qeverisë komunale. “Asfaltimi i oborrit të QKMF-së dhe rruga e konviktit të nxënësve kanë qenë prioritete të qeverisë komunale dhe po i përfundojmë duke përmbyllur edhe një premtim tjetër të radhës.
Do t’i vazhdojmë projektet e tjera”, ka thënë Sinani. Ndërsa drejtori i Qendrës Kryesore të Mjekësisë Familjare (QKMF) në Dardanë, Rabit Dërmaku, ka falënderuar kryetarin Sinani për përfundimin e këtij projekti.
/InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.