Bashkatdhetari dhuron 30 kompjuterë për shkollat e Klinës

KlinëPostuar: 15:23 / 16.04.2018

Kryetari i Komunës së Klinës, Zenun Elezaj, ka pritur bashkatdhetarin dhe veprimtarin, Besnik Ademi, nga fshati Poterq i Lartë të kësaj Komune, me punë të përkohshme në Luzern të Zvicrës.

Veprimtari dhe humanisti Ademi, ka informuar kryetarin e Komunës se për tri shkolla të kësaj komune, shkollën e Zllakuqanit, të Jagodës dhe të Poterqit ka sjelle 30 kompjuterë, me qëllim të pajisjes së kabineteve të teknologjisë informative të këtyre shkollave.

Kryetari Elezaj ka falënderuar humanistin Ademi dhe është shprehur se kontributi i komunitetit tonë në diasporë nuk ka munguar asnjëherë, po ashtu nuk po mungon edhe sot.

“Ne ju jemi mirënjohës ju veprimtarëve dhe humanitarëve të mërgatës sonë në perëndim,  për gjithçka çfarë keni bërë për  vendlindjen dhe atdheun. Edhe gjatë okupimit, por edhe pas mbërritjes së frymës së lirisë në Kosovë, ju keni ndihmuar vendlindjen dhe atdheun tuaj në shumë fusha të jetës, sidomos në fushën e arsimit, si segmenti më rëndësishëm i shoqërisë”, i ka thënë kryetari veprimtarit Ademi.

Ademi kërkoi nga Kryetari Elezaj që shkollat e kësaj komune t’i shohin prioritetet dhe premtoi se është në gjendje të sjellë edhe një kontingjent tjetër të kompjuterëve në shumë prej 30 copë. /InfoKomuna/

VitiKomente: 0 Komuna e Vitisë vazhdon asfaltimin e rrugëve nëpër lokalitete 13:47 / 17.08.2018 Ka filluar asfaltimi edhe i disa rrugëve nëpër disa fshatra, në kuadër të projekteve për përmirësimin e infrastrukturës rrugore të lokaliteteve të komunës së Vitisë. Asfaltimi i rrugës "Shaban Kabashi" në gjatësi prej 500 metrash, ka nisur sot...
SuharekëKomente: 0 Takim urgjent i zyrtarëve komunalë të Suharekës, shkak reshjet 16:45 / 17.08.2018 Është mbajtur takim urgjent në orët e paditës nga kryetari i Komunës, Bali Muharremaj, i cili ka takuar zyrtarët e drejtorive të Shërbimeve Publike dhe të Urbanizmit, të cilët i ka urdhëruar që t’i kryejnë detyrat e tyre sipas agjendës së situatë...
PrishtinëKomente: 0 Ahmeti: “Elena Gjika”, e gatshme për mësim pas rinovimit 15:09 / 17.08.2018 Kryetari i Komunës së Prishtinës, Shpend Ahmeti, bashkë me udhëheqës të Agjencisë Turke për Bashkëpunim dhe Koordinim (TIKA) ka përcjellë punimet që po zhvillohen për rinovimin e shkollës fillore “Elena Gjika”.