Buxheti i Klinës për vitin 2018 - 9.5 milion euro
Komiteti për Politikë dhe Financa, sot, ka mbajtur takimin e fundit në këtë legjislacion në të cilin është debatuar për draft-buxhetin 2018 dhe projekt-rregulloren për varrezat, ofrimin e shërbimit të varrimit, rregullimin dhe mirëmbajtjen e tyre të cilat pas debatit janë rekomanduar për në seancën e Kuvendit të Komunës ku do të merret edhe vendimi përfundimtar.
Buxheti i Komunës së Klinës, për vitin 2018 do të jetë 9 milion e 488 mijë e 703 euro. Vetëm për investime kapitale janë paraparë të shpenzohen 28.12 % e buxhetit që shënon rritje krahasuar me vitet paraprake.
Nga 2 milion e 668 mijë e 202 euro që janë planifikuar për investime kapitale, në sektorin e arsimit është planifikuar të investohen 202. 818 euro, shëndetësi 40.000, administratë 15.000, shërbime publike 220.000, kadastër 13.000, bujqësi 46.500 dhe urbanizëm 2.115. 884 euro. Projektet kanë të bëjnë më ndërtim, renovim shkollash, mirëmbajtje të rrugëve, kanalizimit, ndriçimit publik, hapësirave publike, kanali për ujitje, ndërtime të kanalizimit, asfaltim të rrugëve, ndërtim të urave dhe rregullimi i varrezave të dëshmorëve.
Propozimet për këto projekte kanë ardhur nga drejtoritë komunale duke u bazuar edhe në kërkesat dhe nevojat e qytetarëve derisa ekziston edhe një kod bashkëfinancim me donatorë ku mund të realizohen edhe projekte tjera. Anëtarët e KPF-së kërkuan rritjen e buxhetit në sektorin e shëndetësisë dhe bujqësi.
/InfoKomuna/
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti. 
Komuna e Kamenicës pjesë e Panairit Ndërkombëtar të Turizmit në Francë 14:31 / 18.04.2024 Kryetari i Komunës së Kamenicës, Kadri Rahimaj së bashku me shefin e Kabinetit Vaxhid Rexhepaj dhe shumë homologë e përfaqësues të tjerë nga Komunat e Kosovës, po qëndrojnë këto ditë në Grenoble të Francës, për vizitat dhe takimet në kuadër...
Kryetari Latifi përkujtoi dëshmorët e kombit Visar Hotin e Safet Latifin në 25-vjetorin e rënies së tyre 14:26 / 18.04.2024 Kryetari i Komunës së Rahovecit, Smajl Latifi, ka njoftuar se bashkë me kryetarin e Aleancës për Ardhmërinë e Kosovës, Ramush Haradinaj, me bashkëveprimtarin dhe vëllain e Fahri dhe Bahri Fazliut, Fadilin, me familjarë të dëshmorëve, bashkëluftëtarë e...
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.