Elezaj: Kompanitë e gurthyesve duhet të vendosin filtrat për ruajtën e mjedisit

KlinëPostuar: 09:44 / 16.04.2019

Kryetari i Komunës së Klinës, Zenun Elezaj në emisionin “Zyra e Ankesave”, në RTV Dukagjini ka folur për gurthyesit në këtë komunë.

Elezaj ka thënë se kompanitë të cilat kanë licenca valide nga Institucioni Rregullator i Minierave, kanë për obligim të ruajnë mjedisin duke i vendosur filtrat.

Ai tha se komuna nuk ka shumë njohuri për këtë çështje, dhe se obligimi bie mbi Institucionin Rregullator të Minierave.

“Të gjithë gurthyesit që burojnë në rajonin e Klinës, kanë licenca  valide nga Institucioni Rregullator i Minierave, mirëpo është kompetencë e tyre, pasi të gjithë ata kanë aplikuar me një program për ruajtjen e mjedisit dhe i është aprovuar nga i njëjti institucion, kështu që ata e kanë obligim t’i respektojnë dhe t’i vendosin filtrat, ndërsa ne si institucion lokal nuk kemi shumë njohuri për ato. Mirëpo Rregullatori i Minierave mendoj që duhet të jetë këmbëngulës dhe t’i detyroj këto kompani që t’i vendos filtrat”, ka thënë kryetari i Komunës së Klinës, Zenun Elezaj.
PrishtinëKomente: 0 "Termokosi" vazhdon ngrohjen e Prishtinës edhe pas të hënës 09:22 / 16.04.2019 Pasi që, mbi vendin tonë po mbretërojnë temperatura të ulëta, të cilat sipas parashikimeve meteorologjike do të vazhdojnë edhe gjatë ditëve të ardhshme, NP “Termokos” Sh.A në koordinim me KEK-un ka vendosur që të vazhdojë furnizimin me ngrohje.