Fermerët e Klinës të gatshëm për bashkëpunim me bashkëfinancim

Qëllimi i këtij takimi ishte informimi mbi gjendjen infrastrukturore të fermerëve në Komunën e Klinës, tokën dhe kapacitetin e qumështit si dhe krijimi i mundësive të bashkëfinancimit të qëndrueshëm në partneritet me qumështoren “Bylmeti” dhe një Kompani Holandeze për krijimin e një biznesi aksionar gjithëpërfshirës me fermerët.

Fermerët diskutuan rreth kapaciteteve dhe aseteve ekonomike, që ata posedojnë si dhe shqyrtimin e mundësive që të jenë pjesë e këtij projekti të bashkë investimit,  i cili është i pari i këtij lloji që do të zhvillohet në Kosovë.

Komuna e Klinës si institucion në rolin e ndërmjetësuesit, do të garantoj në kuadër të kompetencave mbështetje të plotë për realizim korrekt të këtij plani.

Kryetari Elezaj, shprehi interesim për tërheqjen e këtij plani të bashkë investimit në Komunën e Klinës, si dhe krijimin e një shkolle trajnuese regjionale për fermerët me bazë, në zhvillimin e kapaciteteve të fermerëve në mënyrë që produktet të dalin me standard evropianë.