Klina mbajti Olimpiadën mbarëkombëtare të Matematikës
Në ambientet e shkollës së mesme të lartë profesionale, “Fehmi Agani”, në Klinë, sot është mbajtur një nga ngjarjet me të rëndësishme edukativo-shkencore në mbarë trojet shqiptare, Olimpiada e XXIV Mbarëkombëtare e Matematikës, e cila është organizuar për herë të parë në Komunën e Klinës, ndërsa është hera e tretë që organizohet në Kosovë.
Të pranishëm në këtë olimpiadë ishin rreth 150 nxënës, mësimdhënës e personalitete të ndryshme të shkencë e kulturës nga gjitha trojet shqiptare.
Po ashtu, i pranishëm ishte edhe Kryetari i Komunës së Klinës, Zenun Elezaj, i cili bëri hapjen solemne.
“Është kënaqësi e madhe për mua, që sot jam bashkë me ju, mësues dhe nxënës të të gjitha trojeve etnike shqiptare, në këtë garë të rëndësishme diturie, Olimpiadën Mbarëkombëtare të Matematikës, e cila është e para e këtij niveli kaq të rëndësishëm që organizohet nga Komuna jonë në bashkëpunim me klubin Paskal, i cili tashmë ka krijuar një përvojë të suksesshme në këtë fushë", tha kryetari Elezaj.
"Jam i lumtur që ky aktivitet po organizohet në Komunën e Klinës, pasi kjo olimpiadë, përveç që ka synim ngritjen e cilësisë në arsim, veçanërisht në lëndën e matematikës, nga viti në vit po merr gjithnjë përmasa më të mëdha dhe andaj dëshiroj që në emrin tim dhe të institucionit të cilin drejtoj të i`u dëshiroj mirëseardhje mysafirëve dhe të falënderoj Klubin Paslak për bashkëpunimin e ofruar, që kanë zgjedhur qytetin e Klinës për organizimin e kësaj ngjarje edukativo arsimore, dhe të shprehë mirënjohje për kontributin e çmuar që vazhdimisht kanë dhënë në fushën e arsimit. Suksese për të gjithë nxënësit në këtë olimpiadë!”, tha ndër të tjera kryetari Elezaj.
Ndërsa Drejtori i Arsimit, Arben Limani theksoi se kjo Olimpiadë tashmë i ka arritur objektivat e saj sepse përpos qëllimit parësor të zbulimit dhe afrimit të shkencëtareve të rinj të matematikës, Olimpiada po bashkon nga viti në vit dhe personalitetet e qyteteve të shumta dhe të ndryshme të trojeve tona heroike.
Të pranishmit i përshëndeti edhe rektori i Universitetit të Prishtinës, Marjan Dema.
Të ftuarit në këtë Olimpiadë vizituan edhe Ujëvarën e Mirushës dhe lokalitetin arkeologjik në fshatin Dresnik.
Organizimi i Olimpiadës së XXIV Mbarëkombëtare të Matematikës u bë nga Komunës së Klinës në bashkëpunim me Klubin “Paskal” dhe revistën “Plus” nga Tetova.
Shpallja e rezultateve finale, ku edhe do të ndahen çmimet për nxënësit që kanë treguar rezultate më të mira. /InfoKomuna/
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale. 
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti. 
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.
Përurohet monumenti “UÇK” tek kompleksi i varrezave të dëshmorëve në Gjilan 12:30 / 17.04.2024 Në nder të një çerekshekulli nga Beteja e Zhegocit, është zbuluar Porta e Monumentit të Heronjve UÇK tek kompleksi i varrezave të dëshmorëve në Gjilan.