Kryetari i Klinës ndan bursa për studentët e dalluar
Kryetari i Komunës së Klinës, Sokol Bashota, ka ndarë kontratat për bursa të studentëve të dalluar të Komunës së Klinës, të cilët janë përzgjedhur nga komisioni komunal, transmeton InfoKomuna.
Mjetet për bursa, 10 mijë euro, 500 euro për student, janë ndarë nga buxheti i zyrës së kryetarit.
Në ceremoninë e organizuar me ketë rast, Bashota ka uruar studentët klinas në rrugëtimin e tyre të dijes me shpresën se ata një ditë do të kontribuojnë në zhvillimin e vendit e të Klinës.
“ Rinia është e ardhmja e vendit. Komuna e Klinës me të gjitha mundësitë buxhetore është duke bërë përpjekje që të ndihmojë këtë kategori në rrugën e dijes.
Me ndarjen e këtyre bursave po krijojmë mundësi për përgatitje të shkallës intelektuale. Ju do të punoni dhe ktheheni në vendin tuaj për të dhënë kontributin në zhvillimin e qytetit të Klinës. Me këto bursa po përgatisim studentë të dalluar për vendin”- ka thënë me ketë rast kryetari Bashota.
Në anën tjetër, studentët kanë falënderuar kryetarin Sokol Bashota për përkujdesjen e treguar ndaj tyre dhe kjo do të jetë një motiv shtesë për angazhim edhe më të madh në rrugën e tyre të dijes. Kryetari Bashota ka premtuar dyfishimin e bursave për studentët klinas.
Asfaltohet mbi 1 kilometër rrugë në lagjen Veli-Miftari në fshatin Jezerc 10:48 / 16.04.2024 Kryetari i Komunës së Ferizajt, Agim Aliu, ka njoftuar se është bërë asfaltimi i mbi 1 kilometër rrugë në lagjen Veli-Miftari në fshatin Jezerc.
Mbahet mbledhja e rregullt e Komitetit për Politikë dhe Financa në Komunën e Rahovecit 11:41 / 18.04.2024 Udhëhequr nga Kryesuesi Arbër Zenuni, sot, është mbajtur mbledhja e katërt e Komitetit për Politikë dhe Financa (KPF) për vitin 2024, e kuvendit komunal të Rahovecit.
Po shkon drejt përfundimit rregullimi i hyrjes së Prishtinës nga Gollaku 13:40 / 15.04.2024 Drejtori i Investimeve Kapitale në Komunën e Prishtinës, Krenar Xhaferi, ka njoftuar se janë në përfundim e sipër të rregullimit të hyrjes së Prishtinës nga Gollaku i bukur.
Kryetari Ahmeti vizitoi punimet në renovimin efiçient të shkollës fillore “Vëllezërit Domaneku” në Topliqan 12:05 / 16.04.2024 Kryetari i Komunës së Lipjanit, Imri Ahmeti, ka njoftuar se gjatë ditës së sotme, ka vizituar punimet për renovimin e tërësishëm efiçient të shkollës fillore “Vëllezërit Domaneku”, në Topliqan.