Prezantohet projekti "Klina me ujë", synohet zgjidhja e problemit me ujë të pijshëm

KlinëPostuar: 15:37 / 11.07.2019

Kryetari i Komunës së Klinës, Zenun Elezaj, bashkë me bashkëpunëtorë ka pritur në takim drejtorin regjional të “Hidrodrinit”, Agron Tiganin, bashkë me inxhinierë nga “Hidrodrini”, përfaqësues të CDI-së, dhe kompanisë “Vizion Project”, po ashtu dhe ekspertë vendorë.

Qëllimi i këtij takimi ishte prezantimi i projektit hulumtues “Klina me ujë”, projekt i cili u prezantua nga kompania implementuese “Vizion Project”.

Ky projekt përfshin analizën e fizibilitetit dhe zgjidhjen e problemit përmes parafiltrimit të ujit.

Gjatë takimit mes të pranishmëve pati diskutime rreth ideve dhe strategjive të cilat përmban ky projekt, i cili pritet të plotësojë nevojën për furnizim të Komunës së Klinë me ujë të pijshëm.

Me këtë rast, kryetari Elezaj ka folur për alternativat e zgjidhjes së problemit me ujë të pijshëm për qytetarët e Komunës së Klinës.

Ai gjithashtu potencoi faktin se bashkërisht, nëpërmjet këtij projekti, do vazhdojmë të punojmë për ta normalizuar gjendjen e ujit të pijes, që të mundësojë një jetë më të mirë për qytetarët, por edhe kapacitete të mjaftueshme për ujitjen. /InfoKomuna/

VitiKomente: 0 Në Viti u shkaktuan 196 zjarre nga janari deri në korrik 12:20 / 22.07.2019 Për shkaqet e mundshme të zjarrit dhe zjarre vëniet e qëllimta, si dhe rreziqet dhe pasojat ligjor, është mbajtur sot një tryezë ku është diskutuar rreth kësaj teme, e cila sidomos në sezonin veror, po shkakton dëme të konsiderueshme si në ekonomitë familjare,...