PDK në Kllokot kërkon që të hetohet kryetari i kësaj komune
Partia Demokrtike e Kosovës dega në Kllokot thekson se Prokuroria Themelore në Gjilan duhet të hetojë Udhëtimet Zyrtare të dyshimta të kryetarit Komunës së Klllokotit, Streqko Spasiq dhe punësimin e mbi 15 personave në mënyrë kundër Ligjore!
Sipas PDK-së, kryetari i komunës Kllokotit vazhdon duke shkelur ligjet e Republikës Kosovës duke keqpërdorur parat e taksapaguesve qytetarëve Shqiptarë dhe Serb!
"Që nga marrja e mandatit si kryetar i komunës Kllokotit sipas PDK-së, ai ka keqpërdor detyrën zyrtare, duke larguar shumë punëtorë nga vendet e tyre të punës dhe duke vazhduar me punësim të militantëve të partisë së tij dhe disa shqiptarë mbështetës të tijë!", thuhet në reagimin e PDK-së në Kllokot.
"Kryetari i komunës së Kllokotit në të gjitha shpenzimet e tij zyrtare jashtë shtetit nuk i ka mbyllur dhe për këtë ekziston dyshimi se kryetari i komunës Kllokotit, Streqko Spasiq mjetet e Komunës Kllokotit i ka shfrytëzuar për qëllime të tija personale dhe për interesa të Strukturave Paralele Serbe!", thuhet në reagim.
Më tej thekoshet se kryetari i Kllokotit Streqko Spasiq në takimet e tij zyrtare jashtë shtetit saktësisht në Kroaci, Slloveni dhe Zvicër, i ka keqpërdor paratë e buxhetit të komunës dhe sikurse shpenzimet e tjera të udhëtimeve jashtë shtetit edhe këto shpenzime nuk i ka mbyllur!
"Partia Demokratike e Kosovës Dega në Klllokot gjithmonë ka reaguar dhe kërkuar nga Prokuroria Themelore në Gjilan të hetojë keqpërdorimet e Kryetarit Spasiq!"
Sipas PDK-së, edhe Agjencia Kundër Korrupsionit së bashku me Prokurorinë Themelore në Gjilan duhet të hetojë keqpërdorimin detyrës zyrtare të kryetarit Komunës Kllokotit Streqko Spasiq i cili për dy muaj ka punësuar në mënyrë të kundërligjshme mbi 15 persona dhe ka fshehur Librin e Protokollit në zyrën e tij duke e mbajtur të fshehtë protokollin e Kontratave të personave të punësuar nga Kryetari Spasiq!
Partia Demokratike e Kosovës Dega në Kllokot kërkon nga Prokuroria Themelore në Gjilan të nisë menjëherë hetimet ndaj Spasiqit mbi dyshimet e bazuara në veprave të kundërligjshme të cilat argumentohet me fakte dhe dëshmi të cilat i posedojmë thuhet në reagimin e PDK-së.
Mbahet mbledhja e rregullt e Komitetit për Politikë dhe Financa në Komunën e Rahovecit 11:41 / 18.04.2024 Udhëhequr nga Kryesuesi Arbër Zenuni, sot, është mbajtur mbledhja e katërt e Komitetit për Politikë dhe Financa (KPF) për vitin 2024, e kuvendit komunal të Rahovecit.
Mbahet Akademi Përkujtimore në nderim të 25 vjetorit të rënies së dëshmorëve dhe martirëve të komunës së Lipjanit 14:10 / 18.04.2024 Kryetari i Komunës së Lipjanit, Imri Ahmeti, ka bërë të ditur se në nderim të 25 vjetorit të rënies së dëshmorëve dhe martirëve të komunës së Lipjanit, sot është mbajtur Akademi Përkujtimore ku gjithashtu kanë bërë homazhe në Ribar...
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Komuna e Kamenicës pjesë e Panairit Ndërkombëtar të Turizmit në Francë 14:31 / 18.04.2024 Kryetari i Komunës së Kamenicës, Kadri Rahimaj së bashku me shefin e Kabinetit Vaxhid Rexhepaj dhe shumë homologë e përfaqësues të tjerë nga Komunat e Kosovës, po qëndrojnë këto ditë në Grenoble të Francës, për vizitat dhe takimet në kuadër...