Komuna dhe Shoqata "Jetimat e Ballkanit" ndërtojnë 10 shtëpi të reja për familje skamnore
Kryetari i Komunës së Klinës, Zenun Elezaj, ka pritur në takim hoxhën Halil Kastrati dhe përfaqësues nga shoqata bamirëse “Jetimat e Ballkanit”, me të cilin ka nënshkruar një marrëveshje bashkëfinancimi për ndërtimin e 10 shtëpive të reja për 10 familje nevojtare të Komunës së Klinës.
Kryetari Elezaj ka theksuar se ndihet shumë i lumtur me nënshkrimin e kësaj marrëveshje bashkëpunimi dhe ofroi mbështetjen e plotë të komunës në realizimin e suksesshëm të këtij projekti.
Elezaj theksoi se nevojat e qytetarëve janë të mëdha dhe shprehi falënderim për humanistin Halil Kastrati dhe shoqatën “Jetimat e Ballkanit” për gatishmërinë e bashkëpunimit.
Ndërsa, hoxha Halil Kastrati vlerësoi bashkëpunimin e mirë që kanë pasur në të kaluarën me Komunën e Klinës dhe falënderoi kryetarin për korrektësinë e treguar.
Kjo marrëveshje parasheh ndërtimin e 10 shtëpive sipas modelit me çelësa në dorë, për familjet me kushte të rënda ekonomike dhe të cilat nuk kanë kushte minimale banimi. /InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Kryetari Latifi përkujtoi dëshmorët e kombit Visar Hotin e Safet Latifin në 25-vjetorin e rënies së tyre 14:26 / 18.04.2024 Kryetari i Komunës së Rahovecit, Smajl Latifi, ka njoftuar se bashkë me kryetarin e Aleancës për Ardhmërinë e Kosovës, Ramush Haradinaj, me bashkëveprimtarin dhe vëllain e Fahri dhe Bahri Fazliut, Fadilin, me familjarë të dëshmorëve, bashkëluftëtarë e...
Mbahet Akademi Përkujtimore në nderim të 25 vjetorit të rënies së dëshmorëve dhe martirëve të komunës së Lipjanit 14:10 / 18.04.2024 Kryetari i Komunës së Lipjanit, Imri Ahmeti, ka bërë të ditur se në nderim të 25 vjetorit të rënies së dëshmorëve dhe martirëve të komunës së Lipjanit, sot është mbajtur Akademi Përkujtimore ku gjithashtu kanë bërë homazhe në Ribar...