Komuna e Kaçanikut kërkon kompensimin e dëmit gjysmë milionësh nga “Bechtel Enka”
Dy ditë pas vërshimeve Komuna e Kaçanikut ka dalë me një raport të përafërt rreth dëmeve, shkaktuar nga moti.
Vlerësimet e para dalin me shifrën prej më shumë se gjysmë milioni euro, në parcela bujqësore, shtëpi banimi, vetura, hapësira publike etj, shkruan sot “Koha Ditore”.
Udhëheqësit e Komunës kanë akuzuar kompaninë “Bechtel Enka” me arsyetimin se zhavorri i punimeve në autostradë është bartur nëpërmjet përroit të Rakocit, ndërkaq kërkojnë kompensim të dëmeve.
Gjithashtu Komuna ka kërkuar mbështetje edhe nga Qeveria e Kosovës derisa Komuna nuk ka ndonjë fond të veçantë për raste të tilla emergjente.
Besim Ilazi, kryetar i Kaçanikut, ka thënë se ka kërkuar një takim me udhëheqësit e kompanisë “Bechtel- Enka” dhe me përfaqësues nga Qeveria e Kosovës për gjetjen e një zgjidhjeje për kompensim.
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.