Kryetari i Mamushës diskuton prioritetet e qeverisjes me ambasadoren turke

MamushëPostuar: 14:37 / 13.12.2017

Kryetari i Komunës së Mamushës, Abdulhadi Krasniq, ka njoftuar se në ditën e parë të punës si udhëheqës i Ekzekutivit lokal ka mirëpritur në vizitë ambasadoren e Turqisë në Prishtinë, Kivilcim Kiliç.

Sipas tij, diplomatja turke e ka uruar atë për marrjen e detyrës dhe i ka uruar sukses në punë gjatë këtij mandati, shkruan sot “Koha Ditore”.

“Gjatë takimit kam theksuar se qëllimi im si kryetar është që të realizojmë më shumë projekte të aspektit social për Mamushën dhe për qytetarët e saj. Me ambasadoren Kiliç kemi diskutuar lidhur me temat që përfshijnë zgjidhjen e problemit të ujit të pijes, zgjatjen e orarit të punës në 24 orë të Qendrës së Mjekësisë Familjare, rritjen e cilësisë në arsimin parauniversitar, ofrimin e përkrahjes për rininë, qëndrimi afër studentëve që studiojnë në universitetet brenda vendit dhe në Turqi, etj”, ka bërë të ditur Krasniq përmes një postimi në rrjetet sociale.

Ai ka bërë të ditur se nga ambasadorja turke ka marrë konfirmimin se Republika e Turqisë dhe ambasada e saj në Prishtinë do të vazhdojnë përkrahjen për Kosovën, me theks të veçantë në rritjen e mirëqenies së qytetarëve të Kosovës, por edhe mirëqenies dhe unitetit të komunitetit turk në Kosovë.

Kryetari Krasniq është betuar të premten e kaluar në kuadër të seancës inauguruese të KK-së së Mamushës.

Ai është kryetari i dytë i Mamushës, pasi që prej themelimit kjo komunë është udhëhequr nga Arif Bytyq, që fillimisht ka qenë pjesë e KDTP-së e më pastaj KTAP-së.

Fushë KosovëKomente: 0 Fshatrat e Fushë Kosovës "të izoluara" nga bora 15:12 / 18.01.2019 Reshjet e borës që kanë rënë javëve të fundit në Kosovë dhe mos pastrimi i rrugëve, po vazhdojnë të krijojnë vështirësi për qarkullimin e banorëve në fshatrat e Fushë Kosovës.
VitiKomente: 0 Kryetari Haliti nderon me mirënjohje gazetarët dhe mediet lokale 14:55 / 18.01.2019 Në shenjë falënderimi për punën dhe përkushtimin ndër vite në fushën e informimit publik, kryetari i komunës së Vitisë, Sokol Haliti, ka pritur në takim gazetarët dhe ish-kolegët e tyre që për vite të tëra kanë punuar si korrespondentë, apo edhe...
MalishevëKomente: 0 IPKO ndihmon QKMF-në e Malishevës me aparat laboratorik 12:07 / 18.01.2019 Kompania telekomunikuese IPKO, sot ka ndihmuar QKMF në Malishevë, me një aparat laboratorik dhe një aparat tjetër për EKG. Ky donacion i kësaj kompania, është vlerësuar lartë, pasi këto mjete, do të ndihmojnë në masë të madhe, QKMF-në, përkatësisht...