Kuvendarë nga Vaxjo e Suedisë marrin pjesë në mbledhjen e Kuvendit të Vushtrrisë

VushtrriPostuar: 15:46 / 26.04.2018

Në mbledhjen e rregullt të Kuvendit të Komunës së Vushtrrisë të mbajtur sot, kanë marrë pjesë mysafirë të veçantë nga Kuvendi i Komunës Vaxjo të Suedisë, me të cilin qytet Komuna e Vushtrrisë ka një bashkëpunim të ngushtë.

Në mbledhjen e kryesuar nga kryesuesi i Kuvendit, Nasuf Aliu, përfaqësuesi i Kuvendit të Komunës së qytetit Vaxjo të Suedisë Benny Johansson, ka folur për bashkëpunimit tashmë disa vjeçar mes dy komunave.

Ai tha se Kuvendi i Vushtrrisë nga bashkëpunimi i deritanishëm është duke marr përvoja të mira nga Suedia.

Për gjithë bashkëpunimin e deritanishëm dhe në shumë fusha, të Komunës Vaxjo të Suedisë me Komunën e Vushtrrisë, kryetari i Vushtrrisë, Xhafer Tahiri ka falënderuar, përfaqësuesin e Kuvendit të Komunës Vaxjo të Suedisë, Johansson, të cili i ka ndarë edhe një mirënjohje.

Në këtë seancë të rregullt, Kuvendi i Vushtrrisë ka shqyrtuar çështje me interes të qytetarëve, e në mesin e tyre edhe projektin e Zonës ekonomike në Lumadh.

Kryetari Tahiri ka njoftuar Kuvendin për licencimin e Zonës ekonomike në Lumadh, të cilin e ka cilësuar si projektin më të madh të zhvillimit ekonomik në 20 vitet e fundit. Lidhur me këtë çështje, Kuvendi ka aprovuar vendim me të cilin ka kërkuar që Komuna të udhëheq më procedurat për Zonën ekonomike. /InfoKomuna/

PejëKomente: 0 Mbahet takimi i rregullt i Kuvendit Komunal të Pejës 12:20 / 28.03.2024 Kuvendi Komunal në Pejë, mbajti sot takimin e radhës të rregullt, kryesuar nga Rexhep Kurtbogaj, ku morën pjesë kryetari Gazmend Muhaxheri, Nënkryetarët, Drejtorët, mediat dhe qytetarët të interesuar, ku është debatuar për disa pika të rendit të ditës.
SkënderajKomente: 0 Kuvendi Komunal i Skenderajt, ka mbajtur sot mbledhjen e rregullt 17:38 / 28.03.2024 Kuvendi Komunal i Skenderajt, ka mbajtur sot mbledhjen e rregullt, seancë kjo e udhëhequr nga kryesuesja Adelina Spahiu, e në të cilën kanë marrë pjesë kryetari i Komunës, Fadil Nura, drejtorët komunalë, anëtarët e Kuvendit dhe monitorues nga KFOR-i dhe OSBE.